Афанасьев Александр Никифорович 6 8 1914 Атырау облысы Құрманғазы ауданы Ганюшкин с 1942 Ресей қ екінші дүниежүзілік соғ

Афанасьев Александр Никифорович (6.8.1914, Атырау облысы Құрманғазы ауданы, Ганюшкин с. - 1942, Ресей, қ.) - екінші дүниежүзілік соғысқа қатысушы, взвод командирі, аға сержант.

Соғысқа дейінгі өмірі

Соғысқа дейін Афанасьев ұжымшарда, сауда орындарында, кейін шикізат дайындау кеңсесінде жұмыс істеген. Кеңес әскері қатарына Гурьев облысы Теңіз ауданы әскери комиссариатына шақырылып (5.5.1942), офицерлер мектебіне оқуға жіберілді.

Соғыс алаңында

Бірақ 3 айдан кейін Воронеж майданы 68-гвардиялық атқыштар дивизиясының 202-гвардиялық атқыштар полкі 2-ротасының құрамында Ұлы Отан соғысына қатысты. Киев облысы Ржищев ауданы маңында Днепрден алғашқылардың қатарында өтті. 25 қыркүйекте өзеннің оң жағалауындағы Балыка селосына таяу жердегі биіктікке бекінген Афанасьев қалған бөлімшелердің өзеннен қауіпсіз өтуін қамтамасыз етті. Позициясын қайтармақ болған жау бірнеше қарсы шабуылдарға шықты. Осындай шайқастардың бірінде рота командирі қатардан шығып қалды. Афанасьев рота басқаруды өз қолына алып, жауынгерлермен бірге жау траншеясына басып кірді де, оларды плацдармнан қуып шықты. Оның жеке басының батылдығы жауынгерлерді ерлікке жігерлендірді. Осы ұрыста Афанасьевтің пулеметшілері жаудың 2 пулемет расчетін, 50-ден астам әскерін жойды. Дұшпан талқандалды, 1943 ж. 6 қарашада Украинаның астанасы Киев қаласын азат етілді. Ерлікпен қаза тапты.

Марапаттары

Афанасьевке КСРО Жоғары Кеңесі Төралқасының Жарлығымен Кеңес Одағының Батыры атағы берілді(13.11.1943). Ленин орденімен, бірнеше медальдармен марапатталған.

Дереккөздер

Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х