Қызылтау (тау, Павлодар облысы)

 Басқа мағыналар үшін Қызылтау деген бетті қараңыз.

Қызылтау – Сарыарқаның орталық бөлігіндегі аласа тау.

Қызылтау тауы
Сипаттамасы
Тау жүйесі	Сарыарқа
Пайда болған кезеңі	тас көмір, пермь, төменгі және орта девон
Ұзындығы	65 км
Ені	10-15 км
Биіктігі	1055 м
Орналасуы
50°24′53″ с. е. 76°08′10″ ш. б. / 50.41472° с. е. 76.13611° ш. б. / 50.41472; 76.13611 ^(G) ^(O) ^(Я)Координаттар: 50°24′53″ с. е. 76°08′10″ ш. б. / 50.41472° с. е. 76.13611° ш. б. / 50.41472; 76.13611 ^(G) ^(O) ^(Я)^(T)
Елдер	Қазақстан, Павлодар облысындағы Баянауыл ауданында, Баянаула тауларынан оңтүстік-шығысқа қарай 35 км жерде
Қызылтау тауы
Қызылтау тауы

Географиялық орны

Павлодар облысындағы Баянауыл ауданында, Баянауыл тауларынан оңтүстік-шығысқа қарай 35 км жерде орналасқан. Солтүстік-батыстан оңтүстік-шығысқа қарай Еспе өзенінің аңғарынан өзенінің аңғарына дейін 65 км-ге созылып жатыр. Ені 10 — 15 км. Абсолюттік биіктігі 800 м.

Жер бедері

Күмбез, шошақ тәрізді денудациялық аласа таулар мен ұсақ шоқы, төбелер тобынан тұрады. Ірі таулары: Қарақуыс (764 м) пен Әулие (1055 м). Беткейлері сайлармен тілімделген. Етегінде бұлақтар бар.

Геологиялық құрылымы

Таулар соңғы тас көмір, пермь кезеңдерінің граниттерінен, төменгі және орта девон жыныстарынан түзілген. Тау етектерін төрттік дәуірдің делювийлік-пролювийлік шөгінділері жауып жатыр.

Өсімдігі

Қызылтаудың қоңыр топырағында қараған, тобылғы, сұлыбас, қылқан селеу, бетеге, жусан өседі. Мал жайылымы ретінде пайдаланылады.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5