Қалыңқой

Қалыңқой немесе каланхое (Kalanchoe) – жасаңшөп тұқымдасына жататын көпжылдық, жақсы гүлдейтін шөптесін өсімдік. Өсімдіктің емдік қасиеттеріне байланысты оны халық арасында «дәрігер», «өмір гүлі» деп те атайды. Оның емдік қасиетімен бірге ауа тазарту қасиеті де өте жоғары. Ол ауадағы зиянды микробтарды жоюмен бірге пәрмені бар өсімдік. Таралған аймақтары – , тропиктік аудандары, Оңтүстік Шығыс Азия, Қытай мен Ява аралдары. 200-ге жуық түрі белгілі. Ал оның 30-ға жуық түрі мен сұрпы үй жағдайында өсіріліп келеді. Өсімдіктің жапырақтары түріне қарай жалпақ, етті, жиектері ирек болып келеді. Гүлдері қоңырау, себет тәріздес, ұзындығы 30см гүлсабаққа шоғырланған. Дұрыс күтім жасалса, жыл бойы гүлдейді.

Қалыңқой
Дүниесі: Өсімдіктер (unranked) (unranked) Сабы: Тұқымдасы: жасаңшөптер Тегі: Kalanchoe
Species
Around 125, see text.
Bryophyllum

Жарығы:

Жарық, күн көзі жақсы түсетін жерлерде өседі.

Жылуы:

Қыста 12ºС төмен болмауы керек.

Суғарылуы:

Жазда топырағының беткі қабаты құрғаңқырағанда, ал қыста салқын жерде ұстасаңыз, айына бір рет суғарып тұру керек.

Ылғалдылығы:

Құрғақ ауаға төзімді. Су бүркуді қажет етпейді, дегенмен де жапырақтарын тазарту мақсатында су бүркіп, шаңын жуып тұрған абзал.

Қоректендірілуі:

Көктем-жаз айларында кірпігүлге арналған тыңайтқышпен айына бір рет қоректендіріп тұру қажет.

Аурулары:

Ауруға көп шалдықпайды. Суккулентке жататындықтан, артық суғарғаннан шіріп кету қаупі бар. ақ ұнтақ құрты, , өрмекші кенесі зақым келтіруі мүмкін.

Көбейтілуі:

Қалыңқой өте оңай көбейтілетін бөлме гүліне жатады. Жапырақ, қалемше және жанама өскіндері арқылы көбейтіледі.

Сілтемелер

• Гүлстан, өсімдіктер туралы сайт Мұрағатталған 20 ақпанның 2012 жылы.

Дереккөздер

"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727