Айымбетова Мәриям 26 7 1941 Ақтөбе облысы Еңбек жолын Батыс Қазақстан аймақтық Ақтөбе облысы теледидарында диктор болып

Айымбетова Мәриям (26.7.1941. Ақтөбе облысы ) – .

Еңбек жолын Батыс Қазақстан аймақтық (Ақтөбе облысы) теледидарында диктор болып бастады (1960). Қазақ КСР Мемлекеттік теле және радиохабарларын тарату комитетінде диктор болып (1966-94) қызмет істеді.

Эфирде жүргізген хабарлары мен оқыған жаңалықтары көрермен жүрегіне жақын, сөздері құбыла ойнап, көңілге нәр құйып, құлақ құрышыңды қандыра, жан тебірентер сезімге бөлеп, жанрдың өн бойындағы кескіндерінің сыр-астарын ашып беретін өзгеше мақамымен миллиондаған көрермендер жүрегінде сақталып қалды. Диктор мәтін жолдарына жүрегінің лүпілін, көңілінің сарасын қатарластыра парлай жегіп, көпшілік аудиториясына алуан реңкке толы әсем үннің сыршылдығын ұғындырды. Телеэкранда өз соқпағын қалап, өз жолын салды. Экранның сүйіктісіне, сұлулықтың символына, бөлшектің бүтініне айналды.

Алматы қаласы Совет ауданы Халық депутаттары Кеңесіне екі мәрте депутат болып сайланды. Қазақ КСР Жоғарғы Кеңесінің, КСРО, Қазақ КСР Телерадио Комитетінің Құрмет грамоталары және дипломдарымен марапатталған.

Дереккөздер

Қазақ телевизиясы. Энциклопедия. – Алматы: «ҚазАқпарат», 2009, 1-т. – 640 б.ISBN 978-601-03-0070-5

[1] Қазақ телевизиясы. Энциклопедия. – Алматы: «ҚазАқпарат», 2009, 1-т. – 640 б.ISBN 978-601-03-0070-5