Панно фр panneau лат рannus мата кесіндісі Панно1 мүсіндік бейнелер немесе түрлі суреттермен әшекейленген қабырғаның бір

Панно (фр. panneau, лат. рannus – мата кесіндісі)

Панно

1) мүсіндік бейнелер немесе түрлі суреттермен әшекейленген қабырғаның бір бөлігі;
2) қабырғаның бір бөлігін немесе үйдің ішкі төбесін әсемдеу мақсатымен салынған кескіндемелік туынды.

Ол пайдаланған материалына (ағаш, металл, қыш, тас, әйнек, мата, т.б.) қарай әшекейленеді. Қазақ жерінде күмбезді құрылыстардың қабырғасын өрнекті кірпішпен өріп тұрғызу 11 ғасырдан белгілі. Мысалы, Бабажы қатын (11 ғ.), Қарахан (11 ғ.) және Айша Бибі (11 ғ.) мазарларындағы әшекей-өрнектер. Соңғы жылдары Панно жанрлық жағынан ерекше дамыды. Сәулетті қоғамдық ғимараттар мен үйлердің интерьерлері, экстерьерлері безендірілді, “Қазақфильм” киностудиясының вестибюлі мен репетиция залына (1970, П.Я. Зальцман), Алматы эстрада-цирк өнері колледжіне (1972, С.С. Киракозов) және Жамбыл облысындағы Георгиевка () ауылының Мәдениет сарайына (1969, Х.Наурызбаев, У.Рахманов) салынған сәндік Панно; “Медеу” мейманханасы (И.И. Нимец, Г.Д. Завизионный) мен “Таутүрген” шығармасы үйі – әкімшілік корпусының асханасына (Завизионый) керамика техникасында жасалған Панно; Алматы қаласындағы “Қазақстан” мейманханасының вестибюлі мен банкет залындағы гобелендер (І.Тыныбеков, Б.Зәуірбекова, И.З. Ярема, Е.П. Николаева), т.б.

Дереккөздер

“Қазақ Энциклопедиясы”, V-том
Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8

Осы мақала қазақ мәдениеті туралы бастама болып табылады. Бұны толықтырып, дамыту арқылы, Уикипедияға көмектесуіңізді сұраймыз.

[1] “Қазақ Энциклопедиясы”, V-том

[2] Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8