Айгүл Сағадыбекқызы Соловьева

Айгүл Сағадыбекқызы Соловьева

1952 жылы 17 қаңтарда Алматы облысы Жамбыл ауданы Қарғалы ауылында туған. Қазақ.

С.М. Киров атындағы Қазақ мемлекеттік университетінің химия факультетін (1975) химик мамандығы бойынша; Құрылыс материалдары ғылыми-зерттеу институтының аспирантурасын (1985) «Нашар балқитын және металл емес материалдар технологиясы» мамандығы бойынша бітірген.

Техника ғылымдарының кандидаты (1986). Кандидаттық диссертациясының тақырыбы: «Қарағанды металлургиялық комбинаты қалдықтары негізінде «Сигран» шыны кристалды жабыну материалдарының синтезі».

«Нұр Отан» ХДП мүшесі (2007 жылдан).

1975 жылдан - ҚазКСР ГА Химия ғылымдары институты тотыққан ерітінділер зертханасының аға лаборанты, инженері, аға инженері.

1979 жылдан - Құрылысты жобалау ГЗИ кіші, аға, жетекші ғылыми қызметкері, силикаттардың физикалық химиясы секторының меңгерушісі.

1993 жылдан - «Базальт-Инт» ЖШС бас директоры (Алматы және Атырау қалалары).

2007 жылдан бері - ҚР Парламенті Мәжілісі 4-ші шақырылымының «Нұр Отан» ХДП тізімі бойынша депутаты, Экономикалық реформа және өңірлік даму комитетінің мүшесі.

Құрылысты жобалау ҒЗИ жас ғалымдар мен мамандар кеңесінің (1981-1983), Республикалық жас ғалымдар мен мамандар кеңесі ғылыми-техникалық комитетінің, Қазақстан ЛКЖО ОК жанындағы жас ғалымдар мен мамандар кеңесінің төрағасы (1983-1987),

Алматы құрылыс материалдары ғылыми-зерттеу институты кандидаттық және докторлық кеңестерінің ғылыми хатшысы (1988-1993),

Қазақстан іскер әйелдер қоғамдастығы Атырау филиалының төрағасы (1998-2002),

Қазақстан Сүт және сүт өнімдері өндірушілері қоғамдастығының төрағасы (2000-2003),

Қазақстан Сүт өнімдерін ендірушер одағының бірлескен төрағасы (2003-2006),

ҚР Ұлттық кеңесінің мүшесі (2003 жылдан),

Үкімет жанындағы Шағын және орта кәсіпкерлікті дамыту сараптамалық кеңесінің мүшесі (2004 жылдан), «Атамекен» одағы» ҚҰЭП үйлестіру кеңесінің (2005 жылдан),

ҚР Президенті жанындағы Кәсіпкерлер одағының мүшесі (2006 жылдан),

ҚР Президенті жанындағы Әйелдер істері және отбасы-демографиялық саясат жөніндегі ұлттық комиссиясының (2007 жылдан) мүшесі. Қазақстан Азаматтық альянсының мүшесі (2006 жылдан). «Нұр Отан» ХДП фракциясы президиумының мүшесі, ҚР Парламенті «Нұр Отан» ХДП жанындағы мәслихаттар мен азаматтық қоғам институттарымен байланыс комиссиясының төрағасы, ҚР Парламенті Мәжілісі 4-ші шақырылымының шетел парламенттерімен әріптестік бойынша 9-шы байланыс тобы төрағасының орынбасары, ҚР Парламенті Мәжілісі жанындағы Қоғамдық палата мүшесі, Жемқорлықпен күрес республикалық қоғамдастығы кеңесінің мүшесі.

Марапаттар

• «Ерен еңбегі үшін»,
• «Қазақстан Республикасының тәуелсіздігіне 10 жыл» медалі;
• Екіжақты байланыстарды дамытуға қосқан үлесі үшін Ресей Федерациясының «Созидание» сыйлығы,
• 27 құрмет грамотасы мен дипломдар; 9 конкурстың жеңімпазы әрі жүлдегері.

Отбасы

Үйленген. Жұбайы - Соловьев Владимир Иванович (1946 ж.т.).

Дереккөздер

1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2