Қазақстан — Филиппин қатынастары

Қазақстан — Филиппин қатынастары — Қазақстан Республикасы мен Филиппин Республикасы арасындағы қатынастар.

Дипломатия

Филиппин Республикасы Қазақстанның тәуелсіздігін 1992 жылы 22 қаңтарда таныды.

Дипломатиялық қатынастар 1992 жылы 25 наурызда орнатылды.

2020 жылы 22 мамырда Қазақстандың Индонезиядағы Елшісі Д. Сарекенов Қазақстандың Филиппиндердегі Елшісі міндетін қоса атқарушы болып тағайындалды (өз міндетін атқаруды 2021 жылы 28 маусымда ресми түрде бастады).

И.Байлен орналасу жері Мәскеу болып табылатын Филиппиндердің Қазақстандағы елшісі болып тағайындалды.

Саяси ынтымақтастық

Аса жоғары деңгейдегі кездесулер

2003 жылы 10-12 қараша – Қазақстан Президенті Н. Назарбаевтың Манилаға алғашқы мемлекеттік сапары (2003 жылы 11 қарашада сапар барысында Қазақстан мен Филиппиндер арасындағы достық және ынтымақтастық туралы бірлескен декларацияға, дипломатиялық және қызметтік паспорттар иелерінің визасыз сапарлары туралы үкіметаралық келісімге, туризм саласындағы ынтымақтастық туралы үкіметаралық келісімге қол қойылды).

Жоғары деңгейдегі кездесулер

2008 жылы 12-13 қараша – Қазақстан Парламенті Сенатының Спикері Қ. Тоқаевтың Филиппиндердің Президенті Г. Арройомен Нью-Йорктегі БҰҰ Бас Ассамблеясының отырысы шеңберіндегі кездесуі;

2011 жылы 28-30 маусым – Филиппиндердің Сыртқы істер хатшысының орынбасары Р. Сергиустың Ислам конференциясы ұйымы Сыртқы істер министрлерінің Астанадағы 38-ші кеңесіне қатысу мақсатындағы сапары;

2012 жылы 2-5 мамыр – Қазақстан Қаржы вице-министрі Р. Даленов бастаған қазақстандық делегацияның Азия Даму Банкінің (АДБ) Басқарушылар кеңесінің 45-ші жыл сайынғы отырысына қатысу мақсатындағы Манилаға сапары;

2014 жылы 1 қазан – Маниладағы бірінші қазақстандық-филиппиндік саяси консультациялар (қазақстандық делегацияны Қазақстан Сыртқы істер министрінің орынбасары А. Мусинов, филиппиндік делегацияны Филиппиндердің Сыртқы істер хатшысының орынбасары Л. Росарио бастады).

2021 жылы 24 қыркүйек – Қазақстан Премьер-Министрінің орынбасары – Сыртқы істер министрі М. Тілеубердінің Филиппиндердің Сыртқы істер хатшысы Теодоро Локсинмен БҰҰ Бас Ассамблеясының 76-сессиясының жиектеріндегі Нью-Йорктегі кездесуі.

Парламентаралық ынтымақтастық:

2019 жылы 23-24 қыркүйекте Филиппиндердің Конгресі Өкілдер палатасының вице-спикері Ранео Абу Астанада өткен Еуразия елдері парламенттері спикерлерінің IV отырысына қатысты.

Көпжақты ынтымақтастық:

2012 жылы 27-29 тамыз – АСПХК Тұрақты комитетінің тең төрағасы Хосе де Венецияның және Филиппиндердің БҰҰ-дағы тұрақты өкілі, Ядролық қаруды таратпау туралы шартқа қатысушылардың Шарттың қолданысын қарастыру бойынша 2010 жылғы конференциясының төрағасы Л. Кабактуланның «Ядролық сынақтарға тыйым салудан – ядролық қарусыз әлемге» атты халықаралық конференцияның жұмысына қатысу мақсатындағы Астана, Семей және Курчатовқа сапарлары;

2012 жылы 12 қыркүйек – Филиппиндердің Түркиядағы Елшісі М. Аларилланың және Филиппиндердің Сыртқы істер департаментінің Еуропалық істер жөніндегі офисінің директоры К. Мангунайдың АӨСШК Сыртқы істер министрлерінің мерейтойлық сессиясына және 4-ші кеңесуіне қатысу мақсатындағы  Астанаға сапарлары;

2013 жылы 21-25 мамыр – Қазақстандың Филиппиндердегі Құрметті Консулы Д. Уи бастаған филиппиндік бизнес делегацияның V Астаналық экономикалық форумның жұмысына қатысу мақсатындағы сапары;

2017 жылы 20-21 наурыз – Қазақстан Орталық сайлау комиссиясының мүшесі М. Сәрсембаевтың Азиялық сайлау органдары ассамблеясының отырысына қатысу мақсатындағы Манилаға сапары.

2022 жылы 31 наурызда Елші Д. Сарекенов ФР Қаржы департаментінің ассистент-хатшысы (хатшының орынбасары деңгейі) және БҰҰ Жасыл климаттық қоры Атқарушы кеңесінің баламалы мүшесі Паола Шерина Альвареспен кездесті.

Экономикалық ынтымақтастық

2022 жылы тауарайналым $27,09 млн АҚШ долларын құрады, оның ішінде Қазақстандан ФР-на экспорт – $5,9 (+58,8%) ФР-дан Қазақстанға импорт –$27,04  мың (+25,4%).

Дереккөздер

1. ҚР СІМ Қазақстан Республикасы мен Филиппин Республикасы арасындағы қатынастар  (қаз.). Тексерілді, 16 қыркүйек 2023.