Иван Васильевич Москаленко

Иван Васильевич Москаленко (1912, Жамбыл облысы, Қордай ауданы, Қордай ауылы- 19.11.1941, Ресей, Мәскеу облысы, Волоколам ауданы, Дубосеково темір жолы айырмасы) — 2-дүниежүзілік соғысқа қатысушы, атқыш, қатардағы жауынгер,украин. Соғысқа дейін Қырғыз Республикасы, Ыстықкөл облысы Жетіөгіз ауданында байланыс мекемесінде есепші қызметін атқарған. Кецес әскері катарына 1941 жылдың шілдесінде шақырылып, Батыс майданның 16-армия 316-атқыштар дивизиясы 1075-атқыштар полкі 2-батальон 4-рота құрамында Ұлы Отан соғысына қатысқан. 1941 жылы 16 қарашада темір жолы айырмасында болған ауыр шайқаста 18 жау танкісін жойған 28 гвардияшы-панфиловшылардың қатарында ерлікпен қаза тапқан. Москаленкоға КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (21.7.1942).

Мәскеу қаласы Солтүстік ауданында гвардияшы панфиловшылардың құрметіне көше беріліп, монумент орнатылды. Дубосековода мемориал ашылып, Нелидово деревнясында (Дубосеководан 1,5 шақырым жерде) гвардияшы-панфиловшыларға ескерткіш орнатылып, мұражай ашылды. Панфиловшылардыц туған қаласы Алматы қаласында 28 гвардияшы- панфиловшыларға арналған саябақ бар және онда олардың құрметіне монумент орнатылған. Мәскеудің гимніне айналған «Дорогая моя столица» өлеңінде 28 гвардияшы- панфиловшылар туралы өлец жолдары айтылады. Москаленконың есімі бір кемеге берілген. Ленин орденімен марапатталған.

Дереккөздер

1. Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 21 июля 1942 года // Ведомости Верховного Совета Союза Советских Социалистических Республик : газета. — 1942. — 23 июля (№ 28 (187)). — С. 1.
2. А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х