Материалдық құралдар

Материалдық құралдар (Материальные средства) қарулы күштерді бейбіт уақытта және соғыс кезінде қамтамасыз' етуге арналған материалдық өнімдердің жиынтығы. Материалдық құралдарға қарудың және әскери техниканың барлық түрі, оқ-дәрілер, әр түрлі отындар, жанар-жағармай, азық-түлік, заттай, инженерлік, медициналық және басқа мүліктердің түрлері жатады. Соғыстардың тарихы мен қарулы күштердің құрылысы армия мен флоттың материалдық құралдарды үзбей пайдалануының өсуіне негіз болып табылады. Олардың атаулары (номенклатурасы) да, салмақтық (көлемдік) көрсеткіштері де өсуде. Бұл қаружарақтың, техниканың дамуына, материалдық өндірістің мүмкіншіліктерінің өсуіне, армияның көпшілікке бірдейлігінің артуына және қарулы ұрыстың ауқымына байланысты. Қарулы күштерде материалдық құралдар жалпы әскерлік және арнайы болып бөлінеді. Жалпы әскерлік материалдык құралдар қарулы күштердің барлық түрлерінде қолданылады. Олар: артиллериялық қару-жарақ, оқ-дәрілер, және техникасы, әр түрлі отын, жанаржағармай, азық-түлік, жаппай қырып жоятын қарудан қорғану құралдары, байланыс мүліктері, үгіт-насихаттың техникалық құралдары, инженерлік, заттай, медициналық, мал дәрігерлік, пәтерлік мүліктер жатады. Авиациядағы материалдық құралдар: авиациялық ракеталар, инженерлік-авиациялық, инженерлік-әуежайлық, авиациялықтехникалық және басқа да мүліктер. Әскери-теңіз флотында арнайы материалдық құралдарға: миналы-торпедалық, минаға қарсы, кайыққа қарсы қару-жарақтар, әр түрлі техникалық және инженерлік мүліктер және басқа да құралдар жатады.

Дереккөздер

1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл