Босфор көпірі түр Boğaziçi Köprüsü Boğaz Köprüsü ағылш Bosphorus bridge или First Bosphorus Bridge Босфор бұғазында салы

Босфор көпірі (түр. Boğaziçi Köprüsü, Boğaz Köprüsü, ағылш. Bosphorus bridge или First Bosphorus Bridge) — Босфор бұғазында салынған тұңғыш аспалы көпір. Көпірдің ерекшелігі ол қаланың Азия мен Еуропаға қарайтын аудандарын біріктіріп тұр.

Жалпы анықтама

Көпір тек қана Ыстанбұлдың емес, бүкіл Түркияның қазіргі заманғы символы болып есептеледі. Шындығында оның ауқымдылығы көпшілікті таң қалдырады. Көпірдің жалпы ұзындығы 1,5 шақырым болса, ені 33 метр. Ал негізгі тірегінің биіктігі 166 метр болса, су деңгейінен көпірге дейінгі биіктік 64 метр.

Тарихы

Кезінде құрылыс жұмыстары 1950 жылдары басталады деп жоспарланған еді. Алайда британдық У.Браун мен Г.Робертс жасаған көпір жобасы 20 жылға кешігіп, тек 1970 жылы ғана жүзеге асты. Оның ресми ашылуы 1973 жылға, басқаша айтсақ 50 жылдық мерейтойына тұспа-тұс келді. Көпір құрылысына жалпы құны 200 миллион АҚШ доллары қаражат жұмсалды. Көпір пайдалануға берілген кезде ол ұзындығы бойынша әлемде төртінші орын алса, қазіргі кезде 16-орынға сырғыды.

Қызықты деректер

Әр күн сайын көпір үстінен шамамен 200 мыңнан аса автокөлік 600 мың жолаушыны тасымалдап өтеді. Босфор көпірі жүргізушілер үшін ақылы болып табылады. Ал жаяу жүргіншілерге көпірмен жүруге мүлдем тиым салынған. Оған себеп «Босфор көпірі» соңғы кездері өз-өзіне қол жұмсауға бекінген адамдар үшін «таптырмас» орынға айналған.
Босфор көпірінде жылына бір рет қазан айының ішінде Марафон ұйымдастырылып тұрады. Азиядан бастау алған спортшылар Еуропада мәреге жетеді. Жарыс кезінде көпір үсті көліктер үшін толықтай жабылады.

Дереккөздер

1900'deki köprü projesinde raylı sistem de vardı. Sabah. 2009-07-17 – Retrieved on 19 наурыз 2010. (Түрікше)

Сыртқы сілтемелер

http://www.biancoloto.com/istanbul/istanbul9.html

[1] 1900'deki köprü projesinde raylı sistem de vardı. Sabah. 2009-07-17 – Retrieved on 19 наурыз 2010. (Түрікше)