Акмолинские областные ведомости Омбыда 1871 79 жылдары айына екі рет 1880 1914 жылдары күн сайын шығып тұрған ресми газе

“Акмолинские областные ведомости” — Омбыда 1871 — 79 жылдары айына екі рет, 1880 — 1914 жылдары күн сайын шығып тұрған ресми газет. баспасөз басқармасының органы. Газеттің ресми бөлімінде — Ресей үкіметінің қаулы-қарарлары, нұсқаулары, бұйрықтары мен жарлықтары, бейресми бөлімінде әртүрлі хабарлар, облыстағы кейбір оқиғалар туралы деректер тізбесі жарияланды. “ Акмолинские областные ведомостиге” қосымша ретінде қазақ тілінде “Дала уәлаятының газеті” (1888 — 1902), орыс тілінде “Особое прибавление к Акмолинским областным ведомостям” (1888 — 93), “Киргизская степная газета” (1894 — 1901) шығып тұрған.

Дереккөздер

"Қазақ Энциклопедиясы"

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.