Web 2 0 немесе Уеб 2 0 ғаламтордың world wide web интерактивтік және коллаборативтік яғни істестік элементтерін білдіруг

Web 2.0 немесе Уеб 2.0 ғаламтордың (world wide web) интерактивтік және коллаборативтік, яғни істестік элементтерін білдіруге қолданылатын термин. Демек, қолданушы интернеттегі мазмұнды тұтынып қана қоймай, сонымен қатар өзі де қандай да бір мазмұн өндіреді. Бұл ұғым кейінгі кезде әлеуметтік желілердің дамуымен үлкен маңызға ие болып келе жатыр.

Қолданушылар интерактивті қосымшалардың көмегімен мазмұнды өздері жасап, өңдеп, оны таратады. Қолданушылардың жаңа ролін сипаттау үшін (ағыл. "Prosumer") деген түсінік пайда болған. Контент, яғни мазмұн бұрынғыдай орталықтандырылған түрде медиа компаниялары тарапынан емес, саны біршама көп, өзара әлеуметтік желілер арқылы байланысқан қолданушылар тарапынан дайындалып және интернетте таралып келеді.

Контентті көруге ғана мүмкіндік беретін уеб-сайттармен салыстырғанда, Web 2.0 ерекшелігі сол, ол қолданушыларға әлеуметтік медиа арқылы виртуалды қауымдастық құруға мүмкіндік береді, бір-бірімен байланыстырып береді және бірге істесіп жұмыс жасауға жағдай жасайды. Web 2.0 мысалдарына әлеуметтік желі сайттары, блогтар, wiki-лер, видео бөлісетін сайттар, уеб-қолдаңғылар (application), mashup және folksonomy-лер жатады.

Шығу тегі

Бұл термин ең алғашқы статикалық сайттардан кейін пайда болған жаңа технологияларды қолданатын уеб-сайттарды сипаттау үшін 1999 жылы ойлап табылған. 2004 жылы өткізілген O’Reilly Media Web 2.0 конференциясында көпшілік назарына ұсынылған бұл термин Tim O’Reilly есімімен тығыз байланыстырылады. Web 2.0 World Wide Web-тің жаңа нұсқасын ұсынатынына қарамастан, бұның ешқандай техникалық спецификациялардың жаңартылымдарына (ағылш. an update) қатысы жоқ, алайда программа жазушылар мен қолданушылардың ғаламторды қолдану жолдарының тұтас өзгерістеріне қатысты қолданылады.

Web 2.0-нің алғашқы уеб-технологиялардан қатты айырмашылығы бар ма деген сұрақ World Wide Web-ті ойлап табушы Tim Berners-Lee-ді күдікке салып қойды, ол бұл терминді жаргон ретінде сипаттаған. Оның Web туралы бастапқы пайымы былай болатын: ‘бірлесе жұмыс істейтін орта – біз барлығымыз жиналатын, оқитын және жазатын орын.

Тағы қараңыз

Ғаламтор

Дереккөздер

Henning Schürig: Social Media statt Web 2.0
(18. Mai 2007): Präventivschlag gegen journalistische Neugier
Paul Graham Web 2.0 (Қараша 2005). — «I first heard the phrase 'Web 2.0' in the name of the Web 2.0 conference in 2004.» Тексерілді, 2 тамыз 2006.
Tim O'Reilly What Is Web 2.0. O'Reilly Network (30 қыркүйек 2005). Тексерілді, 6 тамыз 2006.
Berners-Lee on the read/write web, BBC News (9 тамыз 2005). Тексерілді 5 тамыздың 2012.
Richardson Will Blogs, Wikis, Podcasts, and Other Powerful Web Tools for Classrooms — 2nd. — California: Corwin Press, 2009. — P. 1. — ISBN 978-1-4129-5972-8.

[1] Henning Schürig: Social Media statt Web 2.0

[2] (18. Mai 2007): Präventivschlag gegen journalistische Neugier

[graham-3] Paul Graham Web 2.0 (Қараша 2005). — «I first heard the phrase 'Web 2.0' in the name of the Web 2.0 conference in 2004.» Тексерілді, 2 тамыз 2006.

[oreilly-4] Tim O'Reilly What Is Web 2.0. O'Reilly Network (30 қыркүйек 2005). Тексерілді, 6 тамыз 2006.

[5] Berners-Lee on the read/write web, BBC News (9 тамыз 2005). Тексерілді 5 тамыздың 2012.

[6] Richardson Will Blogs, Wikis, Podcasts, and Other Powerful Web Tools for Classrooms — 2nd. — California: Corwin Press, 2009. — P. 1. — ISBN 978-1-4129-5972-8.