DART Double Asteroid Redirection Test астероидтардың қозғалысын зерттеуге арналған ғарыш кемесі DARTҰйымы АҚШ НАСАБасты

DART (Double Asteroid Redirection Test) — астероидтардың қозғалысын зерттеуге арналған ғарыш кемесі.

DART

Ұйымы	АҚШ, НАСА
Басты мердігерлері	Applied Physics Laboratory, SpaceX
Тапсырысы	Планеталық қорғаныс
Ұшыру күн-айы	24.11.2021 ж., 06:21:02 UTC, базасы
Сөре көлігі	Falcon 9 зымыран-тасығышы
Тапсырыс ұзақтығы	10 ай және 1 күн
Массасы	610 кг (+ LICIACube: 14 кг)
Қуаты	6,6 кВт

(65803) Дидимос астероидын айналып ұшатын кішігірім Диморфос астероидына жоспарлы түрде соқтығысу нәтижесінде олардың траекторияларын өзгертуге бағытталған миссия болып келеді.

Яғни ғарыш техникасын Жерге жақын ұшқан аспан денелеріне қарсы пайдалану қаншалықты тиімді болатынын анықтауға көмектесетін тәжірибе ретінде қарастыруға болады.

Аппарат ғарышқа 2021 жылдың қарашасында ұшырылды.

Диморфос астероидымен соқтығысу 2022 жылдың 26 қыркүйегінде орын алды.

Құрылысы

Аппараттың биіктігі 2,6 м, ұзындығы 1,9 м, ені 1,8 м.

Екі жағынан күн батареялары бекітілген. Жазылған жағдайда әрқайсысының ұзындығы 8,5 м құрайды.

Бортында ғылыми құрылғылары жоқ. Навигациялық құрылғыларды санамағанда, негізгі жабдығы DRACO камерасы болды.

Сондай-ақ DART аппаратына LICIACube (Light Italian CubeSat for Imaging of Asteroids) қосалқы шағын серігі бекітілген болатын. Ол соғылардан 15 күн бұрын бөлініп шығып, екі камерасымен соғылу сәтін түсірді.

DRACO камерасы
LICIACube

Нәтижелері

DART Диморфоспен 2022 жылдың 26 қыркүйегінде гринвичтік уақыт бойынша сағат 23:14-те соқтығысты.

Соқтығысу сәтін миссияның камераларынан басқа Хаббл, Уэбб, телескоптары түсірді.

11 қазанда НАСА миссияның сәтті болғанын растады. Соқтығысқаннан кейін Диморфостың Дидимосты айналу периоды 32 минутқа қысқарғаны белгілі болды. Бұл ғарыштағы аспан денесінің қозғалысына адамзаттың әсер еткен алғашқы жағдайы болған екен.