Әбу-Зайд-әл-Балхи

Әбу Зайд ибн Сахл әл-Балхи (парсы: ابو زید احمد بن سهل بلخی‎) - бірқатар маңызды географиялық шығармалардың авторы.

Әбу Зайд ибн Сахл әл-Балхи
(парсы: ابو زید احمد بن سهل بلخی‎)
Туған күні	850 (0850)
Туған жері	Балх қаласы
Қайтыс болған күні	934 (0934)
Ғылыми аясы	географ, математик, медик, астроном, филолог, психолог т.б.

Орта Азияның Балх қаласында туған. Жас кезінде 8 жыл Иракта болып, атақты араб философ әл-Киндиден деріс алды. Мұнда ғылымның түрлі саласынан білімге қанықты, әсіресе оның астрономия және филология жөніндегі пайымдауы ерекше бағаланады. Балхидың көптеген шығармаларының ішінде Сувар ал-акалим («Аймақтар бейнесі»), Таквим ал-булдан («Қалаларға бөліну») деген географиялық еңбектері белгілі. Шығарма карталар мен атластардан құралған, оның әрқайсысына түсініктеме берілген. Кейін бұл шығарманы әл-Истахри (941) өзінің "Китап месалик әл-мемалик"( "Елдерге саяхат кітабы") атты еңбегіне қосқан болса керек. Ибн-Хаукәл де оны өз еңбегінде кеңінен пайдаланған. Әл-Балхи еңбектері Шығыс тарихын, оның ішінде, Орта Азия мен Қазақстан тарихын географиялық тұғырдан зерттеуде ерекше роль атқарады.

Дереккөздер

1. Қазақ Совет энциклопедиясы/Бас редакторы М.Қ.Қаратаев - Алматы, 1972, 2 том