Құрманбек Сағындықов

Құрманбек Сағындықов (29.12.1910, Жуалы аудыны Қоңыртөбе ауылы – 17.6.1988, Алматы қаласы) – журналист.

Өмірбаяны

Дулат тайпасының Жаныс руынан.Филология ғылымының кандидаты СОКП ОК жанындағы Жоғары партия мектебін бітірген (1953). 1928 – 32 жылы орта мектеп мұғалімі, директоры, Жуалы ауданы «Тау сағыз» газетінің редакторы, 1933 – 41 жылы Қазақ кәсіподақтар Кеңесінің жауапты нұсқаушысы, бөлім меңгерушісінің орынбасары, 1941 – 45 жылы 2-дүниежүзілік соғысқа қатысты. 1945 – 46 жылы Кеңес Армиясы Саяси Бас Басқармасының қазақ тілінде шығатын басылымының редакторы, 1946 – 57 жылы Қазақстан Компартиясы ОК жанындағы партия тарихы институтының аға ғылыми қызметкері, сектор меңгерушісі, 1957 – 59 жылы « журналының редакторы, 1959 – 62 жылы Қазақ КСР Министрлер Кеңесі жанындағы телевизия және радиохабарлар тарату жөніндегі комитеттің төрағасы, 1962 – 65 жылы біріккен «Оңтүстік Қазақстан» – «Южный Казахстан» облысы газеттерінің бас редакторы, 1965 – 81 жылы «Қазақстан коммунисі» журналының бас редакторы.

Жетістіктері

Қызыл Жұлдыз, Ұлы Отан соғысы, Еңбек Қызыл Ту, Халықтар Достығы ордендерімен, көптеген медальдармен марапатталған. «Қазақстанның мәдениетіне еңбек сіңірген қызметкер» атағына ие болған.

Сілтемелер

• Журналист
• Редактор

Дереккөздер

1. Тараз энциклопедиясы
2. Баспа бас директоры:Әшірбек Көпіш Бәйдібек баба - Алып бәйтерек ұрпақтарының шежіресі. Жаныс — Алматы: Издательство Өнер, 2004. — 992 б. — ISBN 9965-595-78-Х.