Қарамола (тау, Түркістан облысы)

Қарамола – Қарақтау тауларының орта бөлігіндегі тау.

Қарамола тауы
Сипаттамасы
Тау жүйесі	Қарақтау таулары
Ұзындығы	18 км
Ені	5-6 км
Биіктігі	388 м
Орналасуы
42°16′48″ с. е. 67°45′34″ ш. б. / 42.28000° с. е. 67.75944° ш. б. / 42.28000; 67.75944 ^(G) ^(O) ^(Я)Координаттар: 42°16′48″ с. е. 67°45′34″ ш. б. / 42.28000° с. е. 67.75944° ш. б. / 42.28000; 67.75944 ^(G) ^(O) ^(Я)^(T)
Елдер	Қазақстан, Түркістан облысы Арыс қалалық әкімдігі
Қарамола тауы
Қарамола тауы

 Басқа мағыналар үшін Қарамола деген бетті қараңыз.

Географиялық орны

Түркістан облысы Арыс қалалық әкімдігі Жиделі ауылының солтүстік-батысында 32 км жерде орналасқан. Сырдария өзенінің алабында.

Жер бедері

Абсолюттік биіктігі 388 м. Қарақтау тауларының ең биік жері болып есептеледі. Солтүстіктен оңтүстікке қарай бойлық бағытта 18 км-ге созылып жатыр, енді жері 5-6 км шамасында. Беткейі тіктеу, сай-жыралармен тілімденген. Кейбір бөліктерінің түпкі жыныстары жалаңаштанған. Батысында Үшбай, Мұзбел құдықтары, шығысында Жосалы қонысы орналасқан.

Өсімдігі

Сортаңды сұр топырақ жамылғысында боз жусан, балыш, күйреуік, сексеуіл қалың өседі. Қысқы мал жайылымы ретінде пайдаланылады.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5