Қайрат Кемалұлы Кемалов

Қайрат Кемалұлы Кемалов — кеңес–қазақ кино және театр актері, Қазақстанның еңбек сіңірген қайраткері (2006). "Қазақ хандығы" (2016) фильміндегі Керей хан рөлімен танымал.

Қайрат Кемалұлы Кемалов
Туған күні	8 қаңтар 1957 (1957-01-08) (67 жас)
Туған жері	Ақтүбек, Қарағанды облысы, Қазақ КСР
Азаматтығы	КСРО→ Қазақстан
Қызметі	актер
Белсенді жылдары	1978 жыл - қазіргі уақыт
Театр	Сәкен Сейфуллин атындағы Қарағанды облыстық қазақ драма театры
IMDb	ID 10127831

Өмірбаян

1958 жылы 8 қаңтарда Жезқазған облысы Жаңаарқа ауданының Атасу кентінде туған. Қазақ. Әкесі - Сейдімбеков Кемал. Анасы - Сейдімбекова Бәтеш.

Құрманғазы атындағы Алматы мемлекеттік консерваториясының театр факультетін бітірген (1978), драма театрының актері. Қазақ және орыс тілдерін біледі.

1978 жылдан - М. Әуезов атындағы Қазақ мемлекеттік академиялық драма театрының актері.

1980-1983 жылдары, 1985-1994 жылдары - С. Сейфуллин атындағы Қарағанды облыстық қазақ драма театрының актері. 1990-1995 жылдары - Ақмола облыстық қазақ музыкалық-драма театрының актері.

1995 жылдың қыркүйек айынан бері - С. Сейфуллин атындағы Қарағанды облыстық қазақ драма театрының әртісі. ҚР (2001), ҚР Мәдениет және ақпарат министрлігінің (2002) құрмет грамоталарымен марапатталған. Қазақстанның Еңбек сіңірген қайраткері (2006).

Мәдениет қайраткері (2006). Діни көзқарасы - ислам. Хоббиі - кітап оқу, домбыра тарту. Сүйіп оқитын әдебиеті - этно-фольклорлық тарихи әдебиет.

Үйленген. Жұбайы - Кемалова Бижамал Далабайқызы, С. Сейфуллин атындағы Қарағанды облыстық қазақ драма театрының әртісі. Ұлы — Кемал Саят (1986 ж. т.); қызы — Кемал Әнел (1994 ж. т.).

Дереккөздер

1. Қазақстан Республикасында Кімнің Кім екені – 2011. 2 томдық анықтамалық. Алматы, 2011. ISBN 978-601-278-473-2