Қазақстан Шотландия футбол матчы ағыл Kazakhstan vs Scotland 2020 жылғы Еуропа біріншілігінің іріктеу матчы 2019 жылы 21

Қазақстан — Шотландия футбол матчы (ағыл. Kazakhstan vs Scotland) — 2020 жылғы Еуропа біріншілігінің іріктеу матчы. 2019 жылы 21 наурыз күні Астанадағы "Астана Арена" стадионында өтіп, Қазақстан футболшылары 3:0 есебімен жеңіске жетті.

Қазақстан — Шотландия

Турнир

Еуро-2020 іріктеуі

Дата

21 наурыз 2019 жыл

Стадион

Астана Арена, Астана

Көрермендер

22 000

Ауа райы

ашық

Матчқа дейін

Бұл ойын Қазақстан мен Шотландия футбол құрамаларының тарихтағы бірінші кездесуі. Бұл екі команда ЕУРО-2020 іріктеу турнирінде бір топқа, атап айтқанда І тобына түсті. Бұл — аталмыш турнирдің ең бірінші матчы-тұғын. Матчта Шотландия құрамасы фаворит саналды (олар ФИФА рейтингісінде Қазақстаннан анағұрлым жоғары болатын).

Матчқа кельттердің капитаны әрі белді футболшысы Эндрю Робертсон жарақатына байланысты қатыса алмады. Құраманың қалған ойыншылары түгел еді.

Қазақстан құрамасы осыдан бір жарым ай ғана бұрын бапкер ауыстырды. (2018 жылғы УЕФА Еуропа Лигасында) онша нәтиже көрсете алмаған болгариялық маман Станимир Стойловтың орнына чехиялық бапкер Михал Билек келді. Билектің бұл тұңғыш ресми ойыны еді.

Қазақстандықтар сапында бірнеше өзгеріс болды: бірақ ешкім дебьютант ретінде алаңға шықпады, команда капитаны Бауыржан Исламхан матчқа қатыса алмады. Қақпа құлпы Эричке емес, Непогодовқа сеніп тапсырылды. Юрий Перцух пен Темірлан Ерланов негізгі құрамда алаңға шықты. Араға бірнеше жыл салып Александр Меркель құрамаға қайта оралды.

Матч

Матч жылнамасы

6-минутта Александр Меркелдің әуелетіп берген пасын Юрий Перцух әдемі тоқтатты да, тоғыздыққа дәл бағыттады. Бұл оның құрама сапындағы бірінші голы еді.
10-минутта енді Исламбек Қуат керемет пас шығарды. Қорғанысты қиып өтіп, жерлетіп жолдаған пасына Ян Вороговский дер кезінде үлгеріп, қақпаға дәл бағыттады — 2:0. Янның алдында қақпашыдан өзге ешкім жоқ еді. Бұл оның да құрама сапындағы бірінші голы болатын.
Үстін-үстін соғылған екі гол шотландиялық футболшыларды есеңгіретіп тастады. Олар көп уақытқа дейін жүйелі шабуыл ұйымдастыра алмай шаршады. Дегенмен тайм ортасынан ауа қарқындарын үдетіп, қазақстандықтарды қыспаққа алды. Бұл әрекеттері Қазақстан футболшыларына оңайға соқпай, 38-минутта Александр Меркель ескерту алды.
Бірінші тайм осы есеппен аяқталды. Үзілісте екі бапкер да ойыншы алмастырмады. Шотландия гол соғуға әрекеттенгенімен, қазақстандықтардың әрбір қарсы шабуылы қорғаныстарын бұзып-жарумен болды.
51-минутта Гафуржан Сүйімбаев оң қапталдан айып алаңына доп асырды. Допқа бірінші жеткен Бақтияр Зайнутдинов қақпаға баспен ұрды. Баяу кеткен допқа қақпашы ұмтылмады, доп жерге бір соғылды да, қайта көтеріліп барып қақпа сызығынан өтіп кетті — 3:0.
Осы голдан соң ойын сабасына түсті. Қорғаныста сауатты ойнаған қазақстандықтар қонақтарды еркіне жібермеді. Тек 55-минутта Стюарт Армстронгтың жақын жерден теп добына Непогодов тосқауыл бола білді.
78-минутта Исламбек Қуат пен Темірдан Ерланов допқа бірдей ұмтылды да, бір-біріне қатты соғылып, екеуі екі жаққа құлап түсті. Төреші дереу ойынды тоқтатты да, көмекке дәрігерлерді шұғыл шақырды. Исламбек орнынан тез көтерілді, ал Темірланды амалсыз алаңнан көтеріп әкетуге мәжбүр болды. Оның орнына сол сәтте Серікжан Мұжықов алаңға шықты.
Матчтағы ең соңғы есте қалар эпизод осы Исламбек пен Ерланның соқтығысуы болды. Төреші қосқан бес минутта да ештеңе өзгермей, Қазақстан құрамасы 3:0 есебімен жеңіске жетті.

Детальдар

21 наурыз 2019

Қазақстан	3 - 0	Шотландия
Юрий Перцух 6' Ян Вороговский 10' Бақтияр Зайнутдинов 51'	Голдар

Астана Арена, Астана
Төреші:

Срджан Йованович





Қазақстан





Шотландия


ҚҚ	12	Дмитрий Непогодов
ҚР	2	Сергей Малый
ҚР	3	Темірлан Ерланов		81'
ҚР	4	Евгений Постников
ҚР	16	Гафуржан Сүйімбаев
ЖҚ	5	Исламбек Қуат
ЖҚ	11	Ян Вороговский
ЖҚ	23	Александр Меркель	38'
ЖҚ	8	Юрий Перцух
ЖҚ	14	Роман Муртазаев		68'
Ш	19	Бақтияр Зайнутдинов		84'
Алмасулар:
Ш	15	Бауыржан Тұрысбек		68'
ЖҚ	7	Елдос Ахметов		81'
Ш	6	Серікжан Мұжықов		84'
Бапкер:
Михал Билек


ҚҚ	1	Скотт Бейн
ҚР	2	Лиам Палмер
ҚР	3	Грэм Шинни
ҚР	5	Дэвид Бейтс
ҚР	6	Скотт Маккена
ЖҚ	4	Джон Макгинн	64'	70'
ЖҚ	8	Каллум Макгрегор
ЖҚ	10	Стюарт Армстронг
ЖҚ	7	Джеймс Форрест		82'
Ш	9	Оливер Макберни
Ш	11	Оливер Берк		61'
Алмасулар:
Ш	18	Джонатан Расселл		61'
Ш	19	Марк Макналти		82'
ЖҚ	22	Скотт Мактоминей		70'
Бапкер:
Алекс Маклиш

Матчтан соң

Алекс Маклиш (Шотландия құрамасының бапкері)

— Біз нашар ойнадық. Бұған дейін қалай ойнаған болсақ, солай ойнауға бел буып ек, бірақ бұл жолы алаңға жас ойыншыларды көптеп шығарғаным қате болды ма деймін. Оның үстіне жылдам соғылған екі гол бізді есеңгіретіп қойды. Қорғаныныс шебі де өте нашар қимылдады. Бірақ бұл жеңіліс кейінгі ойындарға сабақ бола алады деп ойлаймын.

Михал Билек (Қазақстан құрамасының бапкері)

— Жеңгеніміз үшін қуаныштымын. Ойынды өте жылдам бастадық, мұның бәрі де жаттығуды өте жақсы өткергеніміздің кепілі. Біздің жігіттер жеңіске лайықты ойнады дей аламын. Біз қонақтардың ойын тактикасына қарай әрекет жасай алдық. Енді Ресеймен ойында тіпті басқаша қимылдауымыз мүмкін. Оған да әлі екі күн бар. бәрін уақытында көрерміз.

Есеп-қисабы

Соққылар - 10:9;
Дәл бағытталғандары – 7:3;
Бұрыштамалар – 1:3;
Тыс қалулар – 2:1;
Сэйвтер – 3:4;
Фолдар – 14:6;
Ескертулер – 2:1;
Қуылғандар – 0:0;
Доп иелену – 41% : 59%

Матчтың ерекшеліктері

Қазақстан құрамасы ешқашан әлем чемпионатына қатысқан еуропалық құрамаларды ірі есеппен ұтқан емес еді. Мына матч сол серияға тоқтам салды. Бұған дейін 1998 жылғы әлем біріншілігінің іріктеуінде өз алаңында 3:0 есебімен Біріккен Араб Әмірліктері құрамасын ойсырата ұтқан-ды.
Қазақстан құрамасына тағайындалған ешқандай еуропалық бапкер ресми дебютін мұндай ірі жеңіспен бастамаған.
Қазақстан құрамасы тұңғыш рет Еуропа чемпионаттарының іріктеуін жеңіспен бастады.

Дереккөздер

http://football.kulichki.net/worldnews/news.htm?547025

Тағы қараңыз

Сілтемелер

Қазақстан Шотландияны ойсыратты

[1] ttp://football.kulichki.net/worldnews/news.htm?547025