Төлеуіш Пәуеденұлы СеріковТөлеуіш Пәуеденұлы Серіков 1948 жылы 21 ақпанда Гурьев облысы Теңіз ауданының Сафоновка ауылын

Төлеуіш Пәуеденұлы Серіков

1948 жылы 21 ақпанда Гурьев облысы Теңіз ауданының Сафоновка ауылында туған. Қазақ.

Әкесі - Серіков Пәуеден Серікұлы (1925-1982), ҰОС ардагері болған, қаржыгер болып жұмыс істеген. Анасы - Серікова Жамал (1928-1992), мұғалім болып жұмыс істеген. Гурьев мемлекеттік педагогикалық институтының химия-биология факультетін бітірген (1969); Абай атындағы Алматы мемлекеттік университетінің заң факультетін бітірген (1999).

Химия ғылымдарының кандидаты (1980), докторы (1995). Докторлық диссертациясының тақырыбы: «Күкіртті, жоғарыасфальтқарамайлы мұнайдан алынатын бензин және мұнай-химиялық шикізатының құрамы, қасиеті және оларды алудың тәсілдері». Профессор, ҚР Ұлттық инженерлік академиясының және РФ Халықаралық инженерлік академияның академигі.

40 монография мен оқұлықтардың, сондай-ақ, 800 астам ғылыми мақалалардың авторы.

Қазақ және орыс тілдерін біледі.

1969 жылдан - Мәскеу мұнай-химиялық синтездеу институтында машықтанушы-зерттеуші. 1970 жылдан - Кеңес Әскерінің қатарында қызметте. 1971 жылдан - ҚазКСР ҒА Мұнай және табиғи тұздар химиясы институтының инженері. 1972 жылдан - Мәскеу мұнай-химиялық синтездеу институтының аспиранты. 1975 жылдан - ҚазКСР ҒА Мұнай және табиғи тұздар химиясы институтында кіші ғылыми қызметкер, аға ғылыми қызметкер, зертхана меңгерушісі. 1984 жылдан - В.И. Ленин атындағы Қазақ политехникалық институтының Гурьев қаласындағы филиалының жалпытехникалық факультетінің деканы, оқыту-ғылыми орталығының директоры, филиалдың директоры. 1995 жылдан - ҚР Парламенті Сенатының Атырау облысы бойынша депутаты.

1998 жылдан бері - Атырау мұнай және газ институіыііі.щ ректоры.

«Құрмет» орденімен (2004); «Астана» (1998), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005) медальдарымен; «Қазақстан мұнайына 100 жыл» (1999) белгісімен марапатталған. ҚР Президентінің Алғыс хаттарымен ескерілген

Діни көзқарасы - ұлттық дәстурлерді ұстанады.

Саяси қайраткер ретіндегі идеалы - Н.Ә. Назарбаев.

Қазақстанның болашағы туралы көзқарасы - «Қазақстан Республикасы әлемнің ең дамыған және бейбітшілік сүйгіш мемлекеттерінің қатарына енеді».

Хоббиі - сәулеттік дизайн және кескіндеме.

Сүйіп оқитын әдебиеті - әлемдік классика, «ТАӨ» сериясы.

Үйленген. Жұбайы - Серікова Зоя Фазылқызы (1948 жылы туған) Ұлдары - Серіков Фуад Телеуішұлы, Серіков Онжпі Телеуішұлы; қызы - Серікова Гаухар Төлеуішқызы.

Дереккөздер

Қазақстан Республикасында кімнің кім екені - 2011. 2 томдық анықтамалық. Алматы, 2011 ІSВN 978-601-278-473-2

[1] Қазақстан Республикасында кімнің кім екені - 2011. 2 томдық анықтамалық. Алматы, 2011 ІSВN 978-601-278-473-2