Тайыр Тастандиев 20 03 1924 Жуалы ауданы Қызыларық ауылы 08 09 1974 сонда Екінші Дүниежүзілік соғыс батыры Жауынгерлік Д

Тайыр Тастандиев (20.03.1924, Жуалы ауданы Қызыларық ауылы – 08.09.1974, сонда) – Екінші Дүниежүзілік соғыс батыры. Жауынгерлік Даңқ орденінің толық иегері.

1942 жылы тамызда Тастандиев әскер қатарына алынған. 1-ші және 2-Балтық бойы, 4-Украина майданының құрамында елді неміс-фашист басқыншыларынан азат ету ұрыстарына қатысты. Алғашқы жорық жолын бастағанда-ақ «Ерлігі үшін» медалімен марапатталған Тастандиев Донбасс шахталарын, Донецк, , Кенигсберг қалаларын, Қырым түбегін азат ету жолындағы айқастарда батылдық пен батырлықтың өшпес өнегесін көрсетті.
1945 жылы 11 сәуірде Донецк қаласының жанындағы кескілескен ұрыста өзінің бөлімшесімен жаудың күшті бекінісін алып, аса жауапты жауынгерлік тапсырманы орындағаны үшін ІІІ дәрежелі Даңқ орденімен, жау ДЗОТ-ын гранатамен жарғаны үшін ІІ дәрежелі Даңқ орденімен, Днепр жағалауындағы кескілескен ұрыста көрсеткен ерлігі үшін 1-дәрежелі Даңқ орденімен наградталды.
Тастандиевтің майдандағы ерлігі орыс жазушысы К.Симоновтың «Шел солдат» деректі фильмінде (1974) біршама ашылып көрсетілген.
Жергілікті қаламгер Ә.Айтоқов Тастандиев туралы кітап жазған.
Соғыстан кейінгі жылдары Тастандиев өз ауылында халық шаруашылығындағы саласында еңбек етіп, 1953 – 74 жылдары Ақтөбе аудандық кеңесінің төрағасы болып қызмет атқарды.

Дереккөздер

Айтоқов Ә., Тайыр Тастандиев, А., 1972.
Тараз энциклопедиясы

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Айтоқов Ә., Тайыр Тастандиев, А., 1972.

[2] Тараз энциклопедиясы