Ойқарағай көмір кен орны Алматы қаласынан шығысқа қарай 300 км жерде Алматы облысы Райымбек ауданының Қытаймен шекаралас

Ойқарағай көмір кен орны – Алматы қаласынан шығысқа қарай 300 км жерде, Алматы облысы Райымбек ауданының Қытаймен шекаралас бөлігіндегі таулы өңірде орналасқан. Кен орны 1931 жылы ашылған. Іздеу, барлау жұмыстары 1943–1948 жылы жүргізілді.

Ойқарағай көмір кен орны
43°11′31″ с. е. 80°35′45″ ш. б. / 43.19194° с. е. 80.59583° ш. б. / 43.19194; 80.59583 ^(G) ^(O) ^(Я)Координаттар: 43°11′31″ с. е. 80°35′45″ ш. б. / 43.19194° с. е. 80.59583° ш. б. / 43.19194; 80.59583 ^(G) ^(O) ^(Я)
Ел	Қазақстан
Аймақ	Алматы облысы
Ашылған уақыты	1931 жыл
Көмір маркасы	Б3
Теңгерімдік қорлары	80 млн т
Өңдеу әдісі	ашық тәсіл
Ойқарағай көмір кен орны

Геологялық құрылымы

Көмірлі қабаттардың жасы ортаңғы юра кезеңіне жатады, қалыңдығы 45 – 110 м. Бұл қабаттар ендік бағытта созылған моноклин құрылым жасайды.

Жатыс сипаты

Құрылымның ұзындығы 8 км, ені 2 – 3 км. Тау жыныстары оңтүстік және оңтүстік-шығысқа қарай 3 – 5 км еңістенген. Көмірлі қабаттар өзендердің тілімдеуінен Батыс, Орталық, Шығыс бөлікшелерге жіктелген. Олардың ішінде Батыс бөлікшесі өнеркәсіптік мәнге ие. Мұнда шағын кеніште жергілікті тұрмыс қажетін өтейтін көмір өндіріледі. Көмір қабатының қалыңдығы 4,5 м-ден 23,5 м-ге дейін, құрылысы қарапайым.

Құрамы

Көмірі қоңыр (Б3), күлділігі төмен (6 – 16%), қызуы жоғары (жанғыш массаның жылу бөлгіштігі 5,4 – 7,9 мың ккал/т), күкірттілігі төмен, ауада жеңіл уатылады. Кен орнының қоры 80 млн. тонна, оның 41 млн. тоннасы ашық тәсілмен өндіруге қолайлы. Қоңыр көмір қоры бойынша Ойқарағай көмір кен орны Қазақстанның оңтүстік облыстарындағы ірі кен орындарының біріне жатады.

Дереккөздер

АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5

[1] АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5