Мәлік Флоберұлы Мұқанов 1972 жылы 7 қыркүйекте РКФСР Алтай аймағы Горно Алтайск қаласында туған Қазақ Әкесі Флобер Темір

Мәлік Флоберұлы Мұқанов - 1972 жылы 7 қыркүйекте РКФСР Алтай аймағы Горно-Алтайск қаласында туған. Қазақ.

Әкесі - Флобер Темірғалиұлы Мұқанов (1938 жылы туған), театр және киноның қоюшы суретшісі болған, суретші. Анасы - Мұқанова Тамара Николаевна (1945 жылы туған), зейнеткер, «Анимация режиссурасы» кафедрасының аға оқытушысы. Н.В. Гоголь атындағы Алматы көркемсурет училищесін (1991) театр суретшісі мамандығы бойынша; Т. Жүргенов атындағы Қазақ мемлекеттік театр және көркемсурет институтын (1996) суретші-кескіндемеші мамандығы бойынша бітірген; оқумен қатар Сәуле және Әлібай Бапановтардың шеберханасында қол тоқымасы тәсілін меңгерген.

ҚР көркемөнер Академиясының мүшесі-корресподенті.

Көрмелік қызметін 1995 жылы бастады да көптеген халықаралық және республикалық көрмелерге қатысты.

«Көшпенділер», «Үшбірлік» гобелендер сериясының авторы. А. Жамханмен бірлесе отырып, «Реңкті дала», «Дала мозаикасы», «Дала арабескасы» гобелендер сериясын және гобелен техникасында «Тұран дәуірі» монументалды-сәндік панно жасаған. бірге және жетекшілігімен ҚР Жоғарғы соты мен «АҚ Орда» ҚР Президентінің резиденциясының (Астана қаласы) интерьерлеріне арнап монументалды-сәндік панно-гобелендер сериясын жасады.

Суретші-монументалисттер тобының құрамында Алматы, Астана, Атырау, Павлодар қалалары орталық мешіттер интерьерлерін, сонымен қатар Қостанай облысы Қарабалық аудан орталығын, Астана қаласы Ислам орталығын және т.б. көркем безендіру жұмыстарына қатысты.

Жұмыстары Қазақстанның және шетелдің түрлі жеке коллекцияларында сақталуда.

1996 жылдан бері - Т. Жүргенов атындағы Қазақ ұлттық өнер академиясының «Кескіндеме» кафедрасында арнайы көркемсурет пәндерінің оқытушысы.

ҚР Суретшілер одағының мүшесі.

Мемлекеттік «Дарын-2008» жастар сыйлығының лауреаты. «Шабыт» (Астана 􀀃.) және «Жігер» (Алматы 􀀃.) халықаралық фестивальдерінің дипломанты әрі лауреаты.

Үйленген. Жұбайы - Нөгербекова Ардақ Керімбекқызы (1975 жылы туған), бухгалтерлік есеп және салық салу маманы.

Қызы - Мұқан Ақмира Мәлікқызы (2005 жылы туған).

Дереккөздер

Бұл — тұлға туралы мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді ауыстыру қажет.