Күкірт екі түрлі оксид түзеді S IV оксиді SO2 күкіртті газ немесе күкірттің диоксиді бұл түссіз тұншықтырғыш өткір иісті

Күкірт екі түрлі оксид түзеді: S (IV) оксиді - SO₂ (күкіртті газ немесе күкірттің диоксиді), бұл түссіз, тұншықтырғыш өткір иісті газ. Күкірт (VI) оксиді, күкірт ангидриді - SО₃, ұшқыш, түссіз сұйықтық. SО₃+17°С температурада қатты зат. Олар суда жақсы ериді, күкіртті қышқыл H₂SО₃ және күкірт қышқылы H₂SО₄ түзіледі, олай болса, бұлар қышқылдық оксидтер екен.

SO₂+H₂О=H₂SО₃ күкіртті қышқыл

SO₃+H₂О=H₂SО₄ күкірт қышқылы

Алынуы

Зертханада күкіртті ауада жандырғанда күкірт (IV) оксидін (ауа тартқыш шкафта) алуға болады. Сол сияқты бұл оксидті натрий сульфитінің кристалына, қышқыл ерітіндісін қосып та алады.

S+O₂=SO₂

Na₂SO₃+HCl=2NaCl+H₂O+SO₂↑

Өндірісте сульфидтерді жандыру арқылы:

2ZnS+3O₂=2ZnO+2SO₂↑

2SO₂+O₂↔2SO₃↑

Химиялық қасиеттері

1) негіздік оксидпен әрекеттесіп тұз түзеді:

SO₂+Na₂O=Na₂SO₃

SO₃+Na₂O=Na₂SO₄

2) негізбен әрекеттескенде тұз және су түзіледі:

SO₂+2NaOH=Na₂SO₃+H₂O

SO₃+2NaOH=Na₂SO₄+H₂O

Күкірт (IV) оксиді тотығу-тотықсыздану реакцияларында әрі тотықтырғыш, әрі тотықсыздандырғыш; себебі күкірттің тотығу дәрежесі аралық мәнде (+4) болады.

Қолданылуы

SO₂ ағартқыш ретінде және зиянды микроағзалардан көкөніс қоймаларын тазартады.

Дереккөздер

Химия: Усманова М. Б., Сақариянова Қ. Н. Жалпы білім беретін мектептің 9-сыныбына арналған оқулық, 2-басылымы, өңделген, толықтырылған. - Алматы: Атамұра, 2009. - 288 бет. ISBN 9965-34-929-0

Бұл — химия бойынша мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.

[1] Химия: Усманова М. Б., Сақариянова Қ. Н. Жалпы білім беретін мектептің 9-сыныбына арналған оқулық, 2-басылымы, өңделген, толықтырылған. - Алматы: Атамұра, 2009. - 288 бет. ISBN 9965-34-929-0