Жұбаныш Жексенұлы 1974 жылы 23 ақпанда Түркістан облысы Созақ ауданы Ынтымақ ауылында дүниеге келген Жұбаныш Жексенұлы Т

Жұбаныш Жексенұлы 1974 жылы 23 ақпанда Түркістан облысы, Созақ ауданы, Ынтымақ ауылында дүниеге келген.

Жұбаныш Жексенұлы Тоқсанбаев
Туған күні	23 ақпан 1974 (1974-02-23) (50 жас)
Туған жері	Ынтымақ, Созақ ауданы, Шымкент облысы
Мамандықтары	әнші
Дауыс түрі	тенор

8 сыныпта оқып жүргенде-ақ Мәскеу қаласында өткен халықаралық балалар байқауына қара домбырасын арқалап барып қатысып қайтқан. Әншінің анасы Бақытжамал апаның айтуынша, Жұбаныш кішкентай кезінен-ақ музыкаға аса құмар болды. Сондай-ақ ол футболды да кәсіби аяқдопшылардан кем ойнамайтын көрінеді.

Өмірбаяны

Жұбаныш 1991 жылы аудан орталығындағы Ыбырай Алтынсарин атындағы орта мектепті бітіргеннен кейін Жетісай қаласындағы Ғани Мұратбаев атындағы гуманитарлық, педагогикалық колледжін бітірген.

1998-2001 жылы аталмыш колледжде музыкалық жетекші, 2001-2005 жылы Оңтүстік Қазақстан облыстық Шәмші Қалдаяқов атындағы филармонияның әншісі қызметін атқарды. 2006-2013 жылы Алматыға қоныс аударып, «Қазақ әуендері» АҚ қарасты «Гүлдер» мемлекеттік ансамблінде жұмыс істеді. 2005 жылы продюссер Бағлан Омаровтың жетекшілігімен «Өкінбе сен» әніне клип түсіріп, көп ұзамай әнжинағы жарық көрді.

2002 жылы «Қазақстан Республикасының Тәуелсіздігіне – 10 жыл» мерекелік медалімен және 2011 жылы Мәдениет министрлігінің «Мәдениет қайраткері» төсбелгісімен марапатталған. Жұбаныш Жексенұлын көпшілік әншілігенен бөлек тележүргізуші ретінде де таниды. Ол «Екі жұлдыз», «Ұлттық шоу», «Қазақтың жүз әні» секілді бағдарламаларды жүргізді.

Марапаттары

Қазақстанның тәуелсіздігіне 10 жыл: (2002)
Мәдениет қайраткері: (2011)
Қазақстанның еңбек сіңірген қайраткері (2017)
Құрмет ордені (2023)