Ерсайын Валитханұлы Ихсанов

Ерсайын Валитханұлы Ихсанов (28.02.1950 ж., Котяевка а., Құрманғазы ауданы, Атырау облысы) — Атырау инженерлік-гуманитарлық институтының ректоры, физика-математика ғылымдарының докторы, профессор, ҚР Ұлттық Инженерлік Академиясының, ҚР Ұлттық Жаратылыстану Ғылымдары Академиясының және Халықаралық Ақпараттандыру Академиясының академигі, Қазақстанның еңбек сіңірген қайраткері. Атырау облысының Құрметті азаматы.

Ерсайын Валитханұлы Ихсанов
Туған күні	28 ақпан 1950 (1950-02-28) (74 жас)
Туған жері	Котяевка а., Құрманғазы ауданы, Атырау облысы
Ұлты	қазақ
Марапаттары мен сыйлықтары	Құрмет ордені Атырау облысының Құрметті азаматы

Өмірбаяны

Е.В.Ихсанов Атырау облысы Құрманғазы ауданы Котяевка ауылында дүниеге келген. 1971 жылы Қазақ мемлекеттік педагогикалық институтының математика факультетін, 1976-1979 ж.ж. «Дифференциалдық және интегралдық теңдеулер» мамандығы бойынша осы институттың аспирантурасын бітірген.

Еңбек жолдары

• 1971-1991 ж. Гурьев педагогикалық институтында оқытушы, аға оқытушы, доцент;
• 1991 жылдан 1997 жылға дейін – Атырау мұнай және газ институтының Жоғары математика кафедрасының меңгерушісі;
• 1997-2001 жылдары - «УНАТ» институтының Атырау филиалының директоры;
• 2001 жылдан - қазіргі уақытқа дейін Атырау инженерлік-гуманитарлық институтының ректоры.

Марапаттары

• «Құрмет ордені»;
• «Қазақстан Республикасының ғылымын дамытуға сіңірген еңбегі үшін» медалі;
• Оксфорд университетінің Сократ атындағы төс белгісі;
• «Қазақстанның еңбек сіңірген қайраткері» құрметті атағы;
• «Қазақстан Республикасы Білім беру ісінің құрметті қызметкері» төсбелгісі;
• Қазақстан Республикасы Президентінің алғыс хаты;
• Қазақстан Республикасы Сенаты Төрағасының құрмет грамоталары;
• «Атырау облысының Құрметті азаматы» атағы (2020).

Еңбектері

М.В. Ломоносов атындағы Мәскеу мемлекеттік университетінің, Мәскеу авиация институтының және КСРО Ғылым академиясының Теориялық астрономия институтының ғылыми мектептерінде «Динамикалық симметриал спутниктің конустық прецессиясынан туындайтын периодты қозғалыстары» тақырыбында кандидаттық диссертацияға байланысты жүргізілген ғылыми зерттеулері. Бұл зерттеулер КСРО Мемлекеттік сыйлығының лауреаты, профессор Е.А.Гребениковтың және белгілі ғалым, профессор А.Г.Сокольскийдің ғылыми жетекшілігі арқылы жүргізілді.

«Аспан механикасының жаңа модельдеріндегі Ляпунов бойынша орнықтылық мәселелері» атты докторлық диссертациясы. Бұл еңбекте ол бұрын қарастырылмаған «резонанстық» және «резонанстық емес» жағдайлар үшін Ляпунов бойынша орнықтылық теоремалары құрастырылып, толық дәлелденді.

Ғалымның көпжылдық шығармашылық қызметінің нәтижесі 82 ғылыми жұмыста, оның ішінде 3 монографияда көрсетілген.

Е.В.Ихсанов Америка, Германия, Греция, Белоруссия, Англия, Жапония және т. б. Халықаралық ғылыми конференцияларда, конгрестер мен симпозиумдарда ғылыми баяндамалар жасады.

Қоғамдық жұмыстары

• 4-шақырылымдағы Атырау қалалық, 5-ші және 6-шы шақырылымдағы Атырау облыстық маслихаттардың депутаты;
• Атырау облысының Құрметті азаматы;

Е.В. Ихсановтың қызметі республиканың батыс өңірі халқының ғылым мен білім саласындағы, тұтастай алғанда қоғам мен әрбір жеке тұлғаның мүдделерін қозғайтын қазіргі және болашақтағы үміттерін қанағаттандыруға бағытталған

Дереккөздер

1. https://azh.kz/kz/news/view/48269
2. https://www.inform.kz/ru/gosudarstvennye-nagrady-poluchili-zhiteli-atyrau-v-kanun-dnya-nezavisimosti_a3730771
3. https://neark.kz/team/ihsanov-ersain-valithanovich/
4. АИГИ РЕКТОРЫ – АТЫРАУ ОБЛЫСЫНЫҢ ҚҰРМЕТТІ АЗАМАТЫ
5. http://academy.kz/blogs/blogger/listings/ihsanov