Даралық

Даралық (лат. individuum – бөлінбейтін, ағылш. Individual, кейде Индивидуум) — тұлғаның өзіне тән, қайталанбайтын ерекшелігі, соған ғана тән өзгеше сана-мінез-қасиет ерекшеліктері жиынтығы. Жеке мінездің, темпераменттің, мүдделердің, интелектінің, қабілеттер мен қажеттіліктердің ерекшеліктерінен көрінеді. Адамзаттың жеке калыптасуына, оның тәрбие процесінде толық ашылатын анатомиялық-физиологиялық ерекшеліктері ықпал етеді.

Даралық топтан бөлек те бола алады, топ ішінде топпен байланысты да бола алады.

Жалпы айтқанда, даралық тек жоғары саналы жануарларға, адамға да байланысты айтылады, мысалы, кейбір өсімдіктерді бөліктерге бөліп атауға болады, әр бөлігі өз алдына жеке дами береді. Индивидуум түсінігіне анықтама беру қиындығы, индивидуум өз ерекшелігі мен даралығына байланысты, жалпы белгілер аркылы сипаттауға келмейді, оның нәтижесінде төмендегі тұжырымға келді: individuum est innefale (лат., индивидуум бұл сипаттауға жатпайды). Орта ғасырдың соңынан бастап, осы ұгымды адаммен байланыстыра өзінің тағдырын өзі жасайтын, парасатты дара жан ретінде қолдана бастады.

Дереккөздер

1. Орысша-қазақша түсіндірме сөздік: Философия/жалпы редакциясын басқарған э.ғ.д., профессор Е. Арын – Павлодар: «ЭКО» ҒӨФ, 2006. ISBN 9965-808-82-1
2. Қазақ тілі терминдерінің салалық ғылыми түсіндірме сөздігі: Экология және табиғат қорғау / Жалпы редакциясын басқарған – түсіндірме сөздіктер топтамасын шығару жөніндегі ғылыми-баспа бағдарламасының ғылыми жетекшісі, педагогика ғылымдарының докторы, профессор, Қазақстан Республикасы Мемлекеттік сыйлығының лауреаты А.Қ.Құсайынов. – Алматы: «Мектеп» баспасы» ЖАҚ, 2002 жыл. – 456 бет. ISBN 5-7667-8284-5