Федотова Гликерия Николаевна 22 5 1846 Орел 27 2 1925 Мәскеу орыс актрисасы Республика халық артисі 1924 Еңбек Ері 1924

Федотова Гликерия Николаевна(22.5.1846, Орел- 27.2.1925, Мәскеу)- орыс актрисасы. Республика халық артисі (1924), Еңбек Ері (1924). Әке-шешеден ерте айрылған оны помещик әйел Позднякова асырап алады; сахнада соның фамилиясымен 1863 жылға дейін белгілі болады. Бұдан кейін өзінің күйеуі- актер әрі режиссер А.Ф.Федотовтың фамилиясына көшті. Кіші театр сахнасында 1858 жылдан ойнай бастады. Мәскеу театр училищесін бітіргеннен кейін 1863 жылы театрдың негізгі құрамына қабылданды. Алғаш ойнаған елеулі ролі- П.Д.Боборыкиннің «Сәби» пьесасындағы Верочка. Драмалық,лирикалық,салондық және тұрмыстық рольдерде ойнады. Ол негізінен А.Н.Островский мен У.Шекспир пьесаларында ойнап, үздік сахналық тұлғалар галереясын жасады: Василиса («Василиса Мелентьевада» Островский бұл рольді актриса үшін арнайы жазған),Катарина («Асауға тұсауда») т.б. Островский пьесаларынан 29 роль орындады; соның ішінде Катерина ролін 35 жыл бойы үздіксіз ойнады. Ол ойнаған сахналық тұлғалар өмірдің өрелі биігіне ұмтылған күшті серпіннің иелері ретінде бой көрсетті. Гастрольдік сапармен көптеген қалаларда болып, провинциялық театрлар өнерінің дамуына игі әсер етті. 1885 жылдан пед. жұмыспен айналысты. 1912 жылы сахналық қызметінің 50 жыл толуына орай қойылған мерекелік спектакльде патша әйел Марфа ролінде ойнады.

Гликерия Федотова
Туған күні	10 (22) мамыр 1846 (1846-05-22)
Туған жері	Орёл
Қайтыс болған күні	27 ақпан 1925 (1925-02-27) (78 жас)
Қайтыс болған жері	Мәскеу

Дереккөздер

Қазақ энциклопедиясы 11 том