Даңғылға қазақ сахарасының Байқоңыр ғарыш айлағынан адамзат тарихында тұңғыш рет ғарышқа жол ашқан КСРО ның бірінші ұшқы

Даңғылға қазақ сахарасының Байқоңыр ғарыш айлағынан адамзат тарихында тұңғыш рет ғарышқа жол ашқан КСРО-ның бірінші ұшқыш-ғарышкері Кеңестер Одағының Батыры Юрий Алексеевич Гагариннің есімі (Алматы қаласы атқару комитетінің 14.04. 1961 №10 шешімі) берілген.

Юрий Алексеевич Гагарин (1934-1968) Смоленск облысының Гжатск (қазіргі Гагарин) ауданындағы Клушино деревнясында дүниеге келген. Ю.А.Гагарин 1961 жылы 12 сәуірде «Восток» ғарыштық кемемен дүниежүзінде бірінші болып ғарышқа сапар шегіп, онда 1 сағат 48 минут болды. 1961 жылдың 23 мамырынан бастап ғарышкерлер отрядының командирі. Халықаралық астронавтика академиясының (1966 жылдан) Құрметті мүшесі. Үндістандағы Лакнау қаласындағы университеттің физика факультетінің ғарышта зерттеушілер клубының мәңгілік мүшесі. Египет қалалары Каир мен Александрия қалаларының алтын кілттері Гагаринге мәңгі сақтауға тапсырынды. Гагарин есімімен Айдағы кратер мен кіші планета (1772 Gagarin) аталды.

Даңғыл қаланың солтүстігінен оңтүстігіне қарай Төле би көшесінен басталып, әл-Фара- би даңғылына дейін созылып жатыр. Екі бағытты кешенін ортасын әсем аллеялар мен зәулім ағаштар отырғызылған алаңқай бөліп тұр. Көше Алмалы, Алатау және Бостандық аудандарын қиып өтеді. Жамбыл, Шевченко, Құрманғазы, Абай, әл-Фараби, Жандосов, Тимирязев, Өтепов, Байқадамов, Ходжанов, Есқараев көшелерімен қиылысады. Бұрынғы атауы - 13-ші линия көшесі. Даңғылдың ұзындығы - 5200 метр.

Даңғылдың бойында Ішкі істер министрлігінің мұражайы, Қазақтың жеміс-жидек және жұзім шырынын ғылыми-зерттеу институты, Кітап фабрикасы, Республикалық кітап саудасы бірлестігі, бірқатар әкімшілік мекемелер орналасқан.

Дереккөздер

Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0

[1] Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0