Басқа мағыналар үшін Балапан айрық деген бетті қараңыз Балапан еті жеті айға жетпеген балапан еті Балапан етінің құнды к

Басқа мағыналар үшін Балапан (айрық) деген бетті қараңыз.

Балапан еті — жеті айға жетпеген балапан еті. Балапан етінің құнды компоненттеріне белок (17—19%) жатады. Сонымен бірге В витамині, минералдық заттар (фосфор, күкірт, темір және мырыш) бар. Балапан етінен, негізінен, қою тағам әзірленеді. Мысалы, қуырылған балапан еті, жаныштап қуырылған ет және т.б.

Балапан ұшасын ірі құс ұшасынан оның төс сүйегінің шеміршегіне қарап айыруға болады. Оның терісі жұқа, жұмсақ келеді. Балапан етінен негізінен қою тағам (қуырған, буға пісірген, бұқтырған, фаршталған, жаныштан қуырған және отқа қақтаған балапан т. б.) әзірленеді. Олардан дайындаған тағамға неше түрлі тұздықтар құйын, гарнир салады. Балапан етінің сорпасы хош иісті де, майлы да болмайды. Оның еті шамамен 25—30 минуттай артық асуға да, қуыруға да немесе бұқтыруға да келмейді. Өйткені езіліп кетеді. Дайын балапанды дастарқанға, егер ол кішкентай болса, тұтастай қояды, ал үлкен болса— бөліп қойған дұрыс. Балапандарды алғашқы баптау және мүшелеу жөнінде Үй құстары мақаласын қараңыз. Қуырылған балапан еті. Дайындаған балапан ұшасы тұздалып, сары майға немесе тортасы айырылған майға қуырылады. Содан кейін қойып, тағы бір рет қуыру керек. Әбден қуырылған балапанның үстіне қуыру кезінде бөлінген сөлін құнды да, петрушка немесе салатпен әсемдейді. Гарнир ретінде картоп салаты немесе көкөніс және пайдаланылады. Жаныштап қуырылған балапан. Дайындалған балапан ұшасын төсінен қақ бөледі. Содан кейін керіл жазады да, іші-сыртына тұз бен бұрыш себеді. Ішіне май салған табаны жақсылан қыздырып, оған балапан ұшасын терісін төмен қаратып салады да, үстіне табақша төңкеріп, үстінен ауыр затпен бастырып қойып, қуырады. Ткемали тұздығын бөлек береді. 2 балапан ұшасына (әр адамға бір балапаннан): 2 ас қасық май керек. Тұз; бұрыш, сарымсақ, пен ткемали тұздығы татымына қарай қосылады.

Дереккөздер

Қазақ тілі терминдерінің салалық ғылыми түсіндірме сөздігі: К54 Қоғамдық тамақтандыру.—Алматы: "Мектеп" баспасы, 2007. — 232 бет.ISBN 9965-36-414-1
Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақ тілі терминдерінің салалық ғылыми түсіндірме сөздігі: К54 Қоғамдық тамақтандыру.—Алматы: "Мектеп" баспасы, 2007. — 232 бет.ISBN 9965-36-414-1

[2] Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9