Ілияс Әлімұлы Тортаев

Ілияс Әлімұлы Тортаев - 1953 жылы 19 қыркүйекте Жамбыл облысы Шу ауданының Жаңа жол ауылында туған. Қазақ. Жамбыл гидромелиоративтік құрылыс институтының өнеркәсіптік және азаматтық құрылыс факультетін (1974) инженер-құрылысшы мамандығы бойынша; «Әділет» жоғары құқық мектебін (Алматы қаласы, 1998) заңгер мамандығы бойынша бітірген. М.Х. Дулати атындағы Тараз мемлекеттік университетінің Құрметті профессоры. Қазақ, орыс, ағылшын және неміс (сөздікпен) тілдерін біледі. «Нұр Отан» ХДП мүшесі.

Шыққан тегі Ұлы жүздің Дулат тайпасы Шымыр руынан.

• 1974 жылдан - сәулет кафедрасының ассистенті.
• 1976 жылдан - РКФРО Бозалық стансасындағы Шу бекеті жағынан №129 механикаландырылған колоннасының орналастырылуымен байланысты мехколоннаныңаға шебері, 1978 жылдан - №85 жол-құрылыс басқармасының өндірістік жоспарлау бөлімінің инженері, шебері, жұмыстар атқарушысы, 1984 жылдан - аға инженері (Төле би ауылы, Шу ауданы).
• 1995 жылдан - Шу ауданы әкімінің орынбасары.
• 1996 жылдан - №12 жол өндірісі құрылысы басқармасының бастығы.
• 1996 жылдың сәуірінен - «Жамбылжолқұрылыс» АҚ президенті.
• 2005 жылдан - Тараз қаласының әкімі.
• 2009 жылдан бері - Жамбыл облысы Қордай ауданының әкімі. «Құрмет» орденімен (2002), «Астананың 10 жылдығы» медалімен (2008), ҚР Білім және ғылым министрлігі «Білім беру ісінің құрметті қайраткері» төс белгісімен (2009). ОҚО Тараз қаласы Мойынқұм, Шу аудандарының құрметті азаматы (2004). Саяси қайраткер ретіндегі идеалы - «Кертарпалық пайымнан ада көзсіз сенімді демократ».

Үйленген. Жұбайы - Тортаева Сәуле Алабергенқызы (1964 жылы туған), Тараз қаласы «құрылысИнвестСгоир» АҚ маркетингі жөніндегі директоры. Балалары - Тортаева Динара (1974 жылы туған), Тортаева Рәмиля (1982 жылы туған), Тортаева Кәмила (1983 жылы туған), Әлім Марлен (1988 жылы туған), Ілияс Айсұлу (1993 жылы туған).

Ильяс Алимулы Тортаев (1953 жылы туған, Шу ауданы, Жаңажол ауылы) – өндірісті ұйымдастырушы, Жамбыл гидромелиорациялық-құрылыс институтын бітірген (1974). Архитектура кафедрасының ассистенті болып институтта қалдырылды. 1978 жылы №18 Жол-құрылыс тресіне қарасты №85 Жол-құрылыс басқармасында инженер, прораб, бас инженер. 1996 ж. «Жамбылжол құрылысы» акционерлік қоғамы акционерлерінің жалпы жиналысында осы қоғамның президенті болып сайланды. Жұмыс барысын нарықтық экономикаға сай құрудың нәтижесінде кәсіпорын тұрақты, әрі табысты жұмыс істей бастады. 1997 ж. жаңа астананы салысудың тендерін ұтып, қысқа мерзім ішінде 3 асфальтбетон зауыты құрастырылды, «Ақмоланы Шығыс жағынан орап өту» автомобиль жолының құрылыс-монтаж жұмыстары жүзеге асырылды, Жамбыл облысының автомобиль жолдарын жөндеу қолға алынды. Бір жылдың барысында құрылыс-монтаж жұмыстары мен басқа да өнімдер өндіру 5,5 есеге артты. Тортаев басқарған «Жамбылжол құрылыс» ААҚ-ы кейінгі жылдары Семейде асфальтбетон з-тын салудың сапасын Британиялық стандарт дәрежесіне жеткізді. Түркістанның 1500 жылдық мерекесіне«Шымкент – Түркістан» автомобиль жолын жөндеп, Шу ауданындағы Тасөткел су қоймасының арнасын бекіту жұмыстарын жүзеге асырды. Астана – Петропавловск жолайрығының, Оңтүстік Қазақстан облысындағы «Қызыләскер» жолының құрылысын аяқтап, «Алматы – Астана» автомобиль жолының құрылысын жүргізді. «Тараз – 2000» мерекесінде тігілген киіз үй тәріздес металдан жасалған құрылысына әлемде теңдесі жоқ деген баға берілді. Осы іспеттес игі жұмыстардың нәтижесінде Тортаев басқаратын «Жамбылжолқұрылыс» ААҚ-на 2003 ж. басында Бриллиант категориясы бойынша сапа мен технология үшін «Еуропа аркасы» атты халықаралық сыйлық берілді. Кейінгі уақыттарда Тараз қаласының әкімі, Қордай ауданының, Шу ауданының әкімі қызметтерін атқарды.

Дереккөздер

1. Құрастырушы авторы Асангелді Отаров Бәйдібек баба - Алып бәйтерек ұрпақтарының шежіресі. Шымыр. — Алматы: Издательство Өнер, 2007. — 816 б. — ISBN 978-601-209-017-8.
2. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2
3. Тараз энциклопедиясы

Дереккөздер