Орда (тұрақ)

Орда(тұрақ) – түркі және моңғол халықтарындағы әскери-әкімшілік ұйым, мекен, көшпелілер тұрағы.

Орта ғасырларда орда термині, негізінен, көшпелі тайпалардың мемлекеттері мен одақтарының атауы ретінде қолданылған. Мысалы,Алтын Орда, Ноғай ордасы, Ақ Орда, Көк Орда, т.б. 18 – 19 ғасырлардағы орыс ғалымдары мен шенеуніктері қазақ қоғамындағы жүздерді орда деп те атаған. Дала өркениетінен хабары мардымсыз еуропалықтар басы бірігіп ұйымдаспаған қыруар адамдардың тобырын орда деп атады. Дәстүрлі қазақ дүниетанымында орда ұғымы мемлекеттілікті, елдікті білдіреді.

Дереккөздер

1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VII том