Махараштра मह र ष ट र ағылш Maharashtra Үндістандағы штат Үндістан түбегінің солтүстік батыс бөлігінде Жері 308 000 кв к

Махараштра ( महाराष्ट्र, ағылш. Maharashtra) — Үндістандағы штат. Үндістан түбегінің солтүстік-батыс бөлігінде. Жері 308 000 кв км². Халық саны –50 300 000 (1971). Әкімшілік орталығы – Бомбей қаласы. Климаты муссондық, ылғалды (жағалауда), ішкі аудандары қуаң. Махараштра – Үндістанның дамыған өнеркәсіпті штаты. Оның үлесіне фабрика өнеркәсіп өнімінің ¼-і және осы секторда еңбек ететін халықтың 1/5-не жуығы тиеді. Халқының 60 пайызы ауыл шаруашылығында істейді. Басты дақылдары – джовар, бидай, күріш. Өңделген жерінің 6 пайызы суармалы. Мақта жинаудан елде 1 – орында (жалпы Үндістанда жиналған мақтаның 1/5-і). Негізінен қысқа талшықты зығыр, арахис, басқа майлы дақылдар егіледі. Тоқыма, тамақ, машина жасау (станок, электр машиналары, автомобиль жасау), химия, мұнай-химиялық өнеркәсіп орындары дамыған. елде тұңғыш рет (Үлкен Бомбей, Тромбей аудандарында) атом реакторы салынды. 19 ғасырдың басында Махараштра ағылшын отаршыларының қолында болды. 20 ғасырдың басында Махараштра ұлт-азаттық қозғалысы және шаруалар көтерілісі орталықтарының біріне айналды.

Дереккөздер

М. Қаратаев. Қазақ энцеклопедиясы. 7 том.