Гиппокамп

Гиппокамп (лат. hippocampus) - гиппокамп саңылауы мен алмұртша бөлік аумағындагы ми қыртысының самай бөлігі негізінде орналасқан қатпары.

Гиппокамптың жоғарғы беті жолақты дененің құйрықты ядросынан кейінгі бүйірлік ми қарыншасының түбін құрайды және ол құйрықты ядродан бүйірлік қарыншаның тамырлы өрімі арқылы бөлінген.

Гиппокамп ми қыртысының қатпары ретінде, төменгі бағытта сыртқа және артқа қарай орақ тәрізді иіліп, алмұртша бөлікпен жалғасып кетеді. Ал оның көру төпегінен жоғары жатқан алдыңғы ұшы - гиппокамп аяқшасы (pes hippocampi) немесе мүйізі (cornu ammonis) деп аталады. Аммон мүйізін көру төмпегінен үшінші ми қарыншасының тамырлы өрімі бөліп тұрады. Гиппокампта жоғары қыртысасты ассоциативті иіс және дәм сезімі орталықтары болады. Гиппокамптың орталықтары үлкен ми сыңарлары қыртысының әртүрлі орталықтарымен және басқа да жоғары қыртысасты орталықтармен өт- кізгіш жолдар арқылы байланысып жатады. Өткізгіш жолдар ми күмбезін (fornix) жасайды. Гиппокамп қатпары жоғарғы бағытта көтеріліп, ми жабынының белдеу қатпарына (gyrus cinguli, s. limbicus) жалғасады. Белдеу қатпары күсті дененің (corpus collosum) жоғарғы жағымен, оны алдыңғы жағынан айналып өтіп, иісмаңы алаңымен байланысады.

Гиппокамп қатпары мен белдеу қатпары — ми жабыны қыртысының (neocortex s. neopallium) бөліктері. Күмбездің өткізгіш жолдары гипп0кампты аралық мидың емізікше денесімен (corpus mamillare) байланыстырады. Ми қыртысының белдеу қатпарымен, күмбезбен және жолақты дененің бадамша ядросымен бірге гиппокамп иіс миының лимбикалық жүйесінің (pars limbica rhinencephalon) құрамына кіреді. Лимбикалық жүйе мидың эмоциялық реакцияларына және еске сақтау механизміне жауапты.

Дереккөздер

1. Биоморфология терминдерінің түсіндірме сөздігі/ - Алматы: "Сөздік-Словарь", 2009. ISBN 9965-822-54-9