Әуезов ауданы

Әуезов ауданы — Алматы қаласының әкімшілік бірлігі.

Қала ішіндегі аудан
Әуезов ауданы
Елтаңбасы
Әкімшілігі
Қаласы	Алматы
Әкімі	Абзал Қуандықұлы Егембердиев
Аудан әкімдігінің мекенжайы	Алматы қаласы, Алтынсарин даңғылы, №23
Тарихы мен географиясы
Құрылған уақыты	1972 жыл
Жер аумағы	23,5 км²
Уақыт белдеуі	UTC+5:00
Тұрғындары
Тұрғыны	354 633 адам (2023)
Ұлттық құрамы	қазақтар (65,03%), орыстар (21,57%), ұйғырлар (5,77%), корейлер (2,03%), татарлар (1,38%), басқалары (4,22%)
Сандық идентификаторлары
Телефон коды	+7 727
Автомобиль коды	02
Әуезов ауданы әкімінің аппараты

Тарихы

Әуезов ауданы Қазақ КСР Жоғарғы Кеңесі Төралқасының жарлығымен 1972 жылдың 10-шы наурызында құрылды.

Экономикасы

Үлкен және орта өнеркәсіп кәсіпорындарының саны - 23. Шығарылған өнімдер көлемі осы жылдың 10 ай ішінде 23443 млн. теңгені құрайды. Соған ұқсас 2005-ші жылдың ішіндегі өсуі - 107%. Алматы қаласы өнеркәсіп өндірістері өнімдерінің аудандағы үлесінің жалпы көлемі 11,5%. Шаруашылық субъектілер саны 10539 бірлік, оның ішінде әрекеттегі 6883 бірлік. Тіркелген шағын кәсіпорындар саны 527 бірлікті құрайды. Шағын кәсіпорындардағы айналысатын адамдар саны 3980 адамды құрайды. Шағын кәсіпорынды қаржыландыру үшін жергілікті бюджеттен 6804,0 теңге бөлінді. Аудан бюджеті осы жылдың 10 айы ішінде 8077,5 млн. теңгені құрады. Болжамның орындалуы 105,7%. Инвестицияның негізгі капитал көлемі 18201,5 млн. теңгені, 193,7% құрайды.

Ауданда көлік жолдарының ұзындығы 208,908 км-ді құрайды, барлығы да қатты жамылғымен қапталған. Сыртқа жарық түсіру желілерінің ұзындығы ауданда 299,7 км-ді құрайды (7645 жарық орындары). 3 саябақ бұзылған, 1 парк қызмет етуде (FAMILY park).

Әлеуметтік нысандары

Ауданда 8 жоғарғы оқу орындары, 9 орта арнайы оқу орындары, 39 орта оқу орындары, 35 мектепке дейінгі мекеме, 3 түзету мектеп-интернаты, 2 кәсіби лицей, 2 кешкі мектеп, 2 спорт мектебі бар.

Ауданда 3 аурухана, 2 перзентхана, 80-нен аса дәріхана, 4 емхана, 1 диспансер, 3 отбасылық- дәрігерлік амбулатория, 2 медициналық орталық, 2 сәби үйі, 9 стоматологиялық емхана орналасқан.

Ауданда 100-ден аса НПО бар, оның ішінде белсенді әрекеттенушілер саны- 29.

Ауданда мүгедектік зейнетақы алатын 6418 адам, асыраушысынан айырылғандар бойынша жәрдемақы алатын 2971 адам, жасы бойынша 34196 адам тіркелді.

Ауданда 1156 соғыс ардагерлері мен мүгедектері, 4012 еңбек майданына қатысушы бар. Ауданда 262 құрылған ТКЖП және ТКЖҮ жұмыс істейді, оның ішіндегі ірісі- 122.

Әкімдері

1. Евгений Шатов (1994—1997)
2. Владимир Устюгов (1997—2006)
3. Әділ Несіпбаев (2006 — 2009)
4. Бекқали Торғаев (2009 — 2015)
5. Алтай Рахымбетов (2015 — 2018)
6. Әнуар Өскенбаев (2018 — 2019)
7. Сайран Сайфеденов (2019 — 2023)
8. Абзал Егембердиев (2023 жылдан бастап)

Дереккөздер

1. Қазақстан Республикасы халқының жынысы және жергілікті жердің типіне қарай саны (2023 жылғы 1 қаңтарға)
2. Қазақстан Республикасы халқының жекелеген этностары бойынша саны (2022 жыл басына)