Әскери құпия

Әскери құпия—мемлекеттік құпия болып саналатын әскери мазмұндағы дерек. Әскери құпияны сақтау — әскери анттағы негізгі талаптардың бірі. Оны жария еткен әскери қызметші қылмыстық жауапкершілік туралы заң бойынша сот тартылады.

Әскери құпия (Военная тайна) Қазақстан Республикасының корғауындағы, мемлекеттік және құпия қызметті құрайтын ерекше маңызды әскери сипаттағы аса құпия және жасырын мәліметтер. Әскери құпияны сактау — Қазақстан Республикасы Қарулы Күштерінің ұрысқа және жұмылдыруға тұрақты әзірлігін қолдаудың негізгі талаптарының бірі. Әскери қызметшінің әскери құпияны әйгілеуі, егер онда Отанын сату белгілері болса, ол әскери қылмысы үшін қылмыстық жауапкершілік заңы бойынша жазаға тартылады.

Әскери құпияларға жатқызылатын экономикалық мәліметтер

Әскери құпияларға жатқызылатын экономикалық мәліметтер — Қазақстан Республикасының корганыс қабілетіне, қауіпсіздігіне, саяси немесе экономикалық мүдделеріне зиян келтіруі мүмкін халықаралық шарттарды әзірлеу, жасасу, олардың күшін жоюға дайындау, мазмұны немесе орындалуы туралы мәліметтер;

— егер бұл мәліметтерді жария ету тараптардың біреуі үшін дипломатиялық; шиеленістерге әкеп соқтыруы мүмкін болса, алушы елдерді кәрсетілетін қару-жарақтың, әскери техниканың немесе керек-жарақтардың экспорты мен импорты туралы мәліметтер, сондай-ақ шет мемлекеттерге қару-жарақты, әскери техника мен әскери объектілерді жасауға техникалық жәрдем, оның ішінде тегін көрсету туралы мәліметтер;

— шет мемлекеттермен ерекше кезеңдегі экономикалық ынтымактастықтың мәнін немесе көлемін, сондай-ақ ТМД-ға қатысушы мемлекеттердің осы мәселелер жөніндегі сыртқы экономикалық ұйымдары әскери-жұмылдыру органдарының өзара іс-қимылын ашатын мәліметтер;

— Қазақстан Республикасы мен ТМД-ға қатысушы мемлекеттердің арасындағы есептік жылға арналған шикізатты, материалдарды, отынды жабдықтарды, дәрі-дәрмектерді өзара беруді қамтамасыз ету жөніндегі шаралардың немесе соңғыларына тұтас алғанда Қазақстан Республикасы бойынша есептік жылға арналған кәсіпорындар мен объектілерді салуға техникалық жәрдем көрсету жөніндегі шаралардың мазмұнын ашатын мәліметтер;

— Қазақстан Республикасы мен ТМД-ға қатысушы мемлекеттердің арасындағы жалпы Қазақстан Республикасы бойынша есептік жылға арналған экспорттықимпорттық жүктерді тасымалдау көлемін ашатын мәліметтер.

Дереккөздер

1. Қазақстан энциклопедиясы 1-том
2. Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет.ISBN 9965-893-73-Х
3. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл