Қоңыржал (жота, Басқағыл таулары)

 Басқа мағыналар үшін Қоңыржал деген бетті қараңыз.

Қоңыржал – Басқағыл тауларының шығысындағы жота.

Қоңыржал жотасы
Сипаттамасы
Тау жүйесі	Басқағыл таулары
Пайда болған кезеңі	Девон, силур
Ұзындығы	30 км
Ені	2-3 км
Биіктігі	517 м
Орналасуы
48°22′32″ с. е. 68°10′58″ ш. б. / 48.37556° с. е. 68.18278° ш. б. / 48.37556; 68.18278 ^(G) ^(O) ^(Я)Координаттар: 48°22′32″ с. е. 68°10′58″ ш. б. / 48.37556° с. е. 68.18278° ш. б. / 48.37556; 68.18278 ^(G) ^(O) ^(Я)^(T)
Елдер	Қазақстан,Ұлытау облысы Ұлытау ауданы Сәтбаев қаласының солтүстік-шығысында 42 км жерде
Қоңыржал жотасы
Қоңыржал жотасы

Географиялық орны

Ұлытау облысы Ұлытау ауданы Сәтбаев қаласының солтүстік-шығысында 42 км жерде орналасқан. Абсолюттік биіктігі 517 м. Батыстан солтүстік-шығысқа қарай доға тәріздес созылған бірнеше шоқылардан тұрады. Ұзындығы шамамен 30 км шамасында, енді жері 2-3 км.

Геологиялық құрылымы

Жер қыртысы девон, силур кезеңдерінің шөгінділерінен түзілген.

Жер бедері

Тізбектелген жонды-қырқалы шоқылардың аңғарлары құрғақ өзен арналарымен тілімденген. Баурайындағы бұлақтардан Сарыкеңгір, Қаракеңгір өзендерінің салалары бастау алады.

Өсімдігі

Карбонатты қоңыр топырақ жамылғысында бұта араласы жусан, боз, селеу, қозықұлақ, қылқұрт өседі. Қоңыржалдың оңтүстігінде 21 км жерде өзімен аттас тау орналасқан.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5