Қазсушар

Қазсушар — республикалық маңызы бар су шаруашылығы объектілерін күтіп ұстау, пайдалану және олардың қауіпсіздігін қамтамасыз ету жұмыстарымен айналысатын мемлекеттік кәсіпорын.

"Қазсушар" ШЖҚ РМК
Жалпы мағлұмат
Мемлекет	Қазақстан
Құрылған уақыты	2011 жыл
Мекемені басқарады	ҚР Су ресурстары және ирригация министрлігі
Штаб-пәтері	010000, Астана қаласы, Есіл ауданы, Мәңгілік ел даңғылы, 8/2, “Алтын Орда” бизнес орталығы
Бас директоры	Алтай Аралбайұлы Елжасов
Ресми сайты
qazsu.kz/kz/

Тарихы

Қазақстан Республикасы Су ресурстары және ирригация министрлігі Су шаруашылығы комитетінің «Қазсушар» шаруашылық жүргізу құқығындағы республикалық мемлекеттік кәсіпорны “Қазақстан Республикасы Ауыл шаруашылығы министрлігінің мәселелері” Қазақстан Республикасы Үкіметінің 2011 жылғы 28 ақпандағы № 196 қаулысына сәйкес Су ресурстары комитетінің шаруашылық жүргізу құқығындағы республикалық мемлекеттік кәсіпорындары мен республикалық мемлекеттік кәсіпорындарының еншілес мемлекеттік кәсіпорындарын қосу жолымен құрылды:

• Бартоғай су қоймасын және Д. Қонаев атындағы Үлкен Алматы каналын пайдалану басқармасы (Алматы)
  • Мелиосервис
• Астана су (Астана)
• Қаныш Сәтбаев атындағы канал (Астана)
• Қарағандысушар (Қарағанды)
• Қостанайсушар (Қостанай)
• Сарқант шаруашылық есептегі 72-жөндеу учаскесі (Сарқант)
• Оңтүстіксушар (Шымкент)
• Батыссушар (Орал)
  • Каменский водопровод
  • Бөкей ордасы су құбыры
• Солтүстіксушар (Петропавл)
• Ақтөбесушар (Ақтөбе)
• Атыраусушар (Атырау)
  • Балықшы пайдалану-өңдеу кәсіпорны
• Шығыссушар (Өскемен)
• Маңғыстаусушар (Ақтау)
• «Арал» құрылысы салынып жатқан кәсіпорындардың бірлескен дирекциясы (Қызылорда)
• Солтүстік су құрылыс (Көкшетау)
• Есіл су (Петропавл)
• Таразсушар (Тараз)
• «Су-метрология» ғылыми-өндірістік орталығы (Шымкент)
• Қызылордасушар (Қызылорда)

Қазақстан Республикасы Үкіметінің 2024 жылғы 1 ақпандағы № 58 қаулысымен "Нұра топтық су құбыры" ШЖҚ РМК "Қазсушар" ШЖҚ РМК-на қосылды.

Қызметі

Қазақстан Республикасы Су ресурстары және ирригация министрлігінің Су шаруашылығы комитеті Кәсіпорынға қатысты мемлекеттік басқарудың тиісті саласына басшылық ету жөніндегі уәкілетті органның функцияларын жүзеге асырады.

Жарғы негізінде «Қазсушар» РМК басты қызметі республикалық маңызы бар су шаруашылығы объектілерін ұстау, пайдалану, сондай-ақ мемлекеттік меншіктегі су шаруашылығы жүйелері мен құрылыстарының қауіпсіздігін қамтамасыз ету болып табылады. Кәсіпорын қызметінің негізгі мақсаты Кәсіпорын теңгеріміндегі гидротехникалық құрылыстар мен кешенді мақсаттағы су қоймаларын, магистралдық су құбырлары мен өзге су шаруашылығы объектілерін ұстау, пайдалану және қалпына келтіру болып табылады.

Филиалдары

Филиал	Мекенжайы
Ақмола филиалы	Астана қ.
Ақтөбе филиалы	Ақтөбе облысы, Ақтөбе қ.
"Арал" салынып жатқан кәсіпорындардың бірлескен дирекциясы филиалы	Қызылорда облысы, Тасбөгет к.
Атырау филиалы	Атырау облысы, Атырау қ.
Батыс Қазақстан филиалы	БҚО, Орал қ.
"Д.Қонаев атындағы Үлкен Алматы Каналы" филиалы	Алматы облысы, Талғар қ.
"Есіл су" филиалы	СҚО, Петропавл қ.
Жамбыл филиалы	Жамбыл облысы, Тараз қ.
Жетісу филиалы	Жетісу облысы, Талдықорған қ.
"Қаныш Сәтпаев атындағы канал" филиалы	Астана қ.
Қарағанды филиалы	Қарағанды облысы, Қарағанды қ.
Қостанай филиалы	Қостанай облысы, Қостанай қ.
Қызылорда филиалы	Қызылорда облысы, Қызылорда қ.
Маңғыстау филиалы	Маңғыстау облысы, Ақтау қ.
"Оңтүстік ауызсу" филиалы	Шымкент қ.
Павлодар филиалы	Павлодар облысы, Павлодар қ.
Солтүстік Қазақстан филиалы	СҚО, Петропавл қ.
"Су-метрология" филиалы	Шымкент қ.
Түркістан филиалы	Шымкент қ.
Шығыс Қазақстан филиалы	ШҚО, Өскемен қ.

Дереккөздер

1. Қазақстан Республикасы Су ресурстары және ирригация министрлігі Су шаруашылығы комитетінің "Қазсушар" шаруашылық жүргізу құқығындағы республикалық мемлекеттік кәсіпорнын және Қазақстан Республикасы Су ресурстары және ирригация министрлігі Су шаруашылығы комитетінің "Нұра топтық су құбыры" шаруашылық жүргізу құқығындағы республикалық мемлекеттік кәсіпорнын қайта ұйымдастыру туралы
2. Құрылу тарихы Мұрағатталған 3 наурыздың 2024 жылы.
3. Филиалдар Мұрағатталған 2 наурыздың 2024 жылы.