Ғабидолла Рахматоллаұлы Әбдірахымов

Ғабидолла Рахматоллаұлы Әбдірахымов(1975 жылы 23 қаңтарда Шымкент қаласы ОҚО облысы Киров ауылында туған) - 2019 жылдың 30-шілдесіне дейін Шымкент қаласының әкімі қызметін атқарды. 2019 жылдың 13 қыркүйегінен бастап Қазақстан Республикасы премьер-министрінің кеңесшісі.

Сіргелі тайпасының Батыр- руынан шыққан.

Жоғары білім және жұмыс тәжірибесі

Қазақ мемлекеттік аграрлық университетін (1996) экономист-бухгалтер мамандығы бойынша; Неміс мемлекеттік басқару жоғары мектебін (Неміс әкімшілік ғылымдары жоғары мектебі, Шпайер қаласы) «Болашақ» бағдарламасы бойынша (1999) мемлекеттік әкімшіліктік басқару магистрі мамандығы бойынша бітірген. Қазақ, орыс, ағылшын және неміс тілдерін біледі. «Нұр Отан» ХДП мүшесі. 1996 жылдан - Қазақ мемлекеттік аграрлық университетінің қаржы және банк істері кафедрасының ассистенті. 1997 жылдан - «Болашақ» бағдарламасы бойынша Неміс мемлекеттік басқару жоғары мектебінің тыңдаушысы. 1999 жылдан - ҚР мемлекеттік басқару істері женіндегі агенттігінің бас маманы, бөлім бастығы, төраға кеңесшісі, 2001 жылдан - төраға орынбасары, 2003 жылдан - төрағасы, 2006 жылдан - төрағаның бірінші орынбасары, 2008 жылдан төрағасы. 2008 жылдың қазанынан бері - ҚР Премьер-министр кеңсесінің жетекшісі. ҚР Президентінің халықаралық «Болашақ» стипендиясы түлектері қауымдастығының президенті (2001 - 2008) ҚР Президентінің жанындағы Жастар саясаты жөнінде кеңесінің төрағасы (2008 жылдан). «Құрмет» орденімен (2006), «Астананың 10 жылдығы» медалімен (2008) марапатталған.

Отбасы

Жұбайы - Әбдірахымова Данара Тынысбекқызы Қыздары - Әсел (1998 жылы туған), Әдел (2003 жылы туған), Алтынай (2009 жылы туған); ұлы - Әлихан (2004 жылы туған).

Дереккөздер

1. Рахаев Нұрғали Баймаханұлы, Қамбарова Зухра Медеуқызы Сіргелі Батыр-Жайдақ шежіресі / Редактор: Раушан Өскенқызы — Алматы: Нұрлы Әлем, 2022. — 888 б. — 5000 таралым. — ISBN 978-601-205-708-9.
2. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2