Хәрри Поттер мен жасырын бөлме

«Хәрри Поттер мен жасырын бөлме» (ағылш. Harry Potter and the Chamber of Secrets) — Ж. К. Роулиң жазған, жас сиқыршы Хәрри Поттер жайлы кітаптар жинағындағы екінші роман. 2 шілде 1998 жылы басылды.

Желісі

Оқу жылын аяқтағалы 12-жасар Хәрри өз достарынан ешқандай жаңалық естімей, жазған хаттарына жауабын да алмайды. Алайда сол түнде Рон өзінің егіз ағалары Фред және Джорджбен бірге әкесінің ұшатын көлігімен Хәрриді өздерінің үйіне алып кетеді. Оқу жылы жақындағанда Хәрри Уизли отбасымен бірге оқуға керек нәрселерін сатып алады. Хогвартс мектебіне бару үшін олар Кингс-Кроос вокзалына Артур Уизлидің (Ронның әкесі) ұшатын көлігімен барады. Хогвартсқа баратын поезд 9¾ платформасынан жүреді, алайда бұл платформаға апаратын барьерден Хәрри мен Рон белгісіз бір себептен өте алмайды. Не істерін білмей, Рон әкесінің көлігі арқылы Хогвартсқа баруды ұсынады. Басқа амалды көрмеген Хәрри осы ұсынысқа келісіп, екі дос Хогвартс мектебіне жетеді. Алайда, мектепке барарда олар ормандағы ысылдағыш талға соқтығысады. Осы оқи,аны естіген профессор Снейп пен Макгонагалл екеуіне ұрысып ескерту жасайды. Оқу жылы басталды, мектепте барлық оқушы Зұлым Сиқырдан Қорғану сабағының жаңа профессоры, Локонс туралы айта беруден жалықпайды. Алайда Локонс бұл сабақ туралы ештеңе де білмейді және сабағында өзінің ерліктері туралы айтудан шаршамайды.

Мектепте Хэллоуин кезінде үш дос су-су болып тұрған бөлмеде Филчтің мысығы, Миссис Нористің ілініп тұрғанын және де осы бөлменің қабырғасында қанмен жазылған жазбаны көреді. Бұл жазбада “Құпия бөлме ашық! Ізбасардың жаулары, қорқыңдар!” – деп жазылған. Сәлден кейін сол бөлмеге барлық профессор, сонымен қатар, профессор Дамблдорда жиналады. Дамблдор Миссис Норристің тірі екенін және оны емдейтін дәрі дайындау үшін бірнеше ай керек екенін айтады. Келесі күні Хәрмиона профессор Бинстен Құпия Бөлме туралы айтып беруін сұрайды. Профессордың айтуы бойынша, Салазар Слизерин мектепті ашпас бұрын, Хогвартста тек асыл тұқымды сиқыршылардың оқығанын қалады, алайда бұл пікірмен басқа сиқыршылар келіспеді. Сондықтан Салазар мектептен кетіп қалды, алайда кетпестен бұрын мектепте бөлме қалдырып кеткен. Бұл бөлмені тек қана оның мұрагері аша алады. Бұны естіген үш дос, мұрагер ретінде Драко Малфойдан күдіктене бастайды, сондықтан, Драко Малфойдан шындықты алу үшін олар Крэбб пен Гойлға айналу үшін айналмалы ішімдік дайындауға кіріседі. Оқудың бір күндері профессор Локонс пен Снейп оқушыларға өздерін қорғауды үйрету үшін дуель клубын ашады. Бұл клубтың мақсатын айтып, біраз сиқыр көрсеткеннен кейін профессор Снейп Хәрри мен Драко екеуін дуэльге шақырады. Дуэль кезінде Драко өзінің сиқыр таяқшасынан жылан шығарады, алайда Хәрри жыланға ешкімге тиіспесін деп жыланның тілінде бұйрық береді. Бұны естіген барлық оқушы Хәрриді Слизериннің мұрагері деп күдіктенеді, себебі жылан тілінде тек Салазар Слизерин мен Вола-де-Морт қана сөйлесе алатын болған және де бұл қасиетті зұлым сиқыршыға ғана тән, сол себептен Хәрриден көбі қорыққаннан алысырақ жүреді. Бірақ та Дамблдор Хәрри ешқандай кінәсі жоғына сенімді екенін айтады. Және де Дамблдормен сөйлескенде Хәрри директордың фениксі Фоукспен танысады.

Драконың бұл бөлме туралы білетін ақпараттың барлығын білу үшін дайындаған айналым ішімдігі дайын болды. Хәрри мен Рон сол ішімдікті ішкенде, Драконың достары Крэбб пен Гойлға ауысады. Алайда Драконың ештеңені білмейтініне көзі жеткен Хәрри әрі қарай не істерін білмей ойланып жүреді. Ойланып жүргенде Хәрри Миртлдің әжетханасынан бір таза, ішінде ештеңе жазылмаған күнделік тауып алады. Хәрри бұл күнделікке бір нәрсе жазғанда, оған қайта жауап келетінін байқайды. Сол себепті Хәрри өзінің жазғанда, оған күнделіктің иесі Том Реддл деп жауап қайтарды. Содан соң Хәрри күнделіктен Құпия Бөлме туралы не білетінін сұрайды. Осы туралы ақпарат беремін деп, күнделік Хәрриді 50 жыл бұрын оқиғаға алып кетеді. Бұл оқиғада бір қыз қайтыс болады, сол себепті Хогвартс мектебін жабуға шешім қабылданды. Бұны естіген Том Реддл осы оқиғаға Хәгрид және оның асырап жүрген үлкен өрмекшісі деп ойлайды. Осыны көрген Хәрри Хәгридке барып барлық шындықты есуді жөн көреді. Келесі күні Хәрмионаның жақымданғанын естіген оқушылар Хәрриден күдіктенуді тоқтатады, себебі Хәрридің өзінің ең жақын досына зиян келтіре алмайтынын біледі. Осы оқиғалардан кейін магия министрі Дамблдор мектеп директор лауазымынан уақытша босатады және де Хәгридті Азкабан түрмесіне алып кетеді. Хәгрид кетер алдында Хәрри мен Ронға өрмекшілердің артынан еруді ұсынып үлгерді. Өрмекшілердің арттарынан еріп екі дос үлкен қара өрмекші Арагогпен кездеседі. Арагог Хәгридтің асырап өсірген өрмекшісі екенін мойындайды, алайда 50 жыл бұрын қызды өлтірген ол емес болып шығады. Бұны біліп алғаннан кейін Хәрри мен Рон 50 жыл бұрын қайтыс болған қыз – Миртл екенін түсініп Хогвартсқа оралады. Қайта оралғанда, ауруханада ессіз жатқан Хәрмионамен жолығады. Сол кезде олар Хәрмионаның қолынан қағазды байқайды. Бұл қағазда адамдардың ауруханада жатқан себебі үлкен жылан Василиск екені және ол Хогвартста мұржа арқылы жүргені түсіндірілген.

Хәрри мен Рон барлық білетін нәрсесін прфессорлерге айтуға барғанда, қыздардың әжетханасының жарында жазбаны байқайды. Бұл жазбада Құпия бөлмеде Ронның қарындасы Джинни қалып қойғаны жазылған. Миртлдың қалай қайтыс болғанын естігенде, Хәрри мен Рон сол әжетханадағы қол жуғыш қабыршаққа келіп, жыланның бейнесін байқайды. Хәрри жыланша сөйлегенде, астына апаратын туннель ашылады. Туннель арқылы барғанда Хәрри Том Реддл және ессіз жатқан Джиннимен кездеседі. Кездескенде Том осы оқиғалардың барлығына өзі жауапты екенін мойындап, Хәрриді өлтіру үшін Василискті шақырады. Алайда Хәрриге көмектесу үшін феникс ұшып келіп, Хәрриге сиқыр бас киім тастап кетеді. Бұл бас киімнен Хәрри Гриффиндор қылышын алып, Василискті өлтіреді. Алайда жылан Хәрриді өзінің азу тісіндегі уымен жарақаттап үлгереді. Осы кезде Фоукс қайтіп ұшып келіп, Хәрридің жарақатың өзінің көзжасымен емдейді. Содан соң Хәрри Василисктің азу тісімен күнделікке қадап тастайды. Қадағанда күнделіктен қара сия шығып, Том шыңғырып жоғалып кетеді.

Хәрри Рон және Джинни Құпия Бөлмеден келіп, Макгонагаллға бөлмеде болған барлық нәрсені айтып береді және де Джинни Том Реддл оны алдап, күнделікті кітаптардың арасынан тауып, қолданғанын мойындайды. Дамблдор оны кешіріп, Джинниден де үлкен адамдар Волдемортқа алданғанын айтады. Сонымен қатар Дамблдор мектеп директоры болып қайтып тағайындалып, Хәгрид түрмеден босатылады. Және де Василисктен жарақат алған адамдардың бәрі мандрагор тамырынан дайындалған ішімдік арқылы емделеді.