Трескатәрізділер

Трескатәрізділер (Gadіformes) – нағыз сүйекті балықтардың бір отряды. Қазба қалдықтары палеоценнен белгілі. Негізінен салқын су айдындары мен су түбіне жақын топтасып тіршілік ететін балықтар. 12 тұқымдасқа жататын 750-ден астам түрі белгілі. Дүние жүзіндегі барлық теңіздерде кездеседі, ішінде 1 ғана түрі тұщы суда кездеседі. Трескатәрізділердің ұзындығы 11 см-ден 1,8 м-ге дейін жетеді. Көпшілік түрлерінің иегінің астында жалғыз мұртшасы болады. Арқасында 1 – 3, құйрық астында (аналь) 1 – 2 қанаттары бар. Құрсақ қанаттары кеуде қанаттарының астына не алға қарай орналасқан. Қабыршақтары циклоидты (балық денесін қаптайтын сүйек негізді табақша). Көпшілігінің уылдырығы (бірнеше мыңнан 60 млн-ға дейін) пелагиялы, оны бөліп-бөліп, ақпан – сәуір айларында шашады. Қорегі әр түрлі: , зоопланктондар, . Ірі түрлері жыртқыш балықтар. Трескатәрізділердің кәсіптік маңызы зор, еті аса майлы емес (майл. 1%-дай), майы А және Д витаминдеріне бай. Дүние жүзінде бір жыл ауланатын балықтардың 10 – 15%-ын Трескатәрізділер құрайды.

Трескатәрізділер
Gadus morhua
Дүниесі: Жануарлар Жамағаты: Хордалылар Ұлы табы: Сүйекті балықтар Табы: Сабы: Gadiformes , 1909
Families
Jordan & Evermann, 1898 Gill, 1872 Cohen, 1984 Rafinesque, 1810 Bonaparte, 1832 Bonaparte, 1831 Smith & Radcliffe, 1912 Goode & Bean, 1896 Gill, 1884 Moreau, 1881 Regan, 1903 Swainson, 1838 Goode & Bean, 1896

Дереккөздер

1. Iwamoto, T., Nakayama, N., Shao, K.-T. & Ho, H.-C. (2015): Synopsis of the Grenadier Fishes (Gadiformes; Teleostei) of Taiwan. Proceedings of the California Academy of Sciences, (Series 4), 62 (3): 31-126.
2. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том

Ортаққорда бұған қатысты медиа санаты бар: Gadiformes