Тарату (бизнес)

Тарату — маркетинг кешеніне тиесілі төрт элементтің бірі болып табылады. Тарату - тұтынушыға, іскерлік пайдаланушыға қажет өнімді не қызметті қол жетімді жасау процессі. Осыны тікелей өндіруші, қызмет көрсетушінің өзі іске асыруы мүмкін. Сонымен қатар, тарату жанама жолмен де делдалдар арқылы жүзеге асырылады. Маркетинг кешеніне таратудан басқа тағы да өнім, баға және жарнама кіреді.

Тарату жүйесін әзірлемес бұрын, жоспарлаушы тарату арнасын анықтау жөн. Өнімдерді не қызметтерді таратудың әдісін таңдау бірталай факторларға байланысты. Атап айтқанда, өнім түріне, әсіресе, оның тез бүліну қасиетіне; нарығына; операциялардың географиялық қамту көлеміне және фирманың жалпы миссиясы мен көзқарасына тәуелді. Тарату арнасының кең ауқымды мақсат-міндеттерін белгілеу - стратегиялық деңгейдегі шешім.

Қарқынды тарату тәсілі, кең нарыққа тиімді жолмен қол жеткізу үшін маркетолог дүкендер желісіне сүйенеді.

Стратегиялық тұрғыда, үш тарату тәсілдемелері бар:

• Жаппай тарату
• Іріктемелі тарату
• Бірегей тарату

Қарқынды тарату: (сондай-ақ жаппай тарату ретінде белгілі) Өнімдер жаппай нарыққа арналған жағдайда, маркетолог кең нарықтық негізге жүгінетін делдалдарды іздейді. Мысалы, жеңіл тағамдар мен сусындар сатылатын алуан түрлі сауда нүктелерінің қатарына супермаркеттер, тәулік бойы жұмыс істейтін дүкендер, сауда автоматтары, кафетерийлер және басқалары кіреді. Жаппай нарықты экономикалық тұрғыдан тиімді жолмен жеткізуге қабілетті тарату сауда нүктесі таңдалады.

Іріктемелі тарату: Өндіруші өнімін тарататын сауда нүктелердің санын шектеуді таңдауы мүмкін. Мысалы, премиум электротехникалық тауарларды өндіретін өнеркәсіп өнімін тұтынушыға лайықты деңгейде ұсына алатын әмбебап дүкендер мен дербес сауда нүктелерімен ғана істес болуды таңдай алады.