Сыйымдылық

Сыйымдылық

Сыйымдылық (Емкость; capacity) — 1) компьютер жадына, сақтау құрылғыларына жазуға болатын мәліметтердің ең көп мөлшері (өлшем бірліктері: бит, байт, сөз немесе таңба). Биттермен, байттармен (Кб, Мб, Гб), символдармен немесе сөздермен өлшенеді; 2) байланыс арнасында — мәліметтер жеткізу (өткізу) мүмкіндігі (бір секундта өткізілетін мәліметтер көлемі); 3) машиналық сөздің немесе регистрдің ұзыңдығы.

Ақпараттық сыйымдылық

Ақпараттық сыйымдылық (Информационная емкость; information capacity) — құжат немесе хабарлама құрамындағы ақпараттың орташа мөлшері энтропия формуласымен анықталады: п — хабарламадағы мәндер саны, ji — і-ші хабарламадағы ақпараттар саны. Егер барлық мәндердің ықтималдығы бірдей болса, онда H=m*log2n , мұнда: т — хабарламадағы белгілер саны, и—алфавиттегі белгілер саны.

Желі арнасының сыйымдылығы

Желі арнасының сыйымдылығы (Емкость канала связи; communication chanel capacity) — уақыт бірлігі аралығында белгілі бір арнамен жіберілуге болатын ақпараттың максималды мөлшерімен анықталатын желі арнасынын сипаттамасы; арнаның өткізушілік қабілеті.

Код сыйымдылығы

Код сыйымдылығы (Емкость кода; code capacity) — берілген кодпен бір мәнді (қайталанбайтындай) етіп кодтауға болатын элементтердің максималды (объектілер және олардың қасиеттері) саны. Қарапайым жағдайда — өзара өзгеше кодтар комбинациясы. Біркелкі кодтар үшін N=mk, мұндағы т — код алфавитіндегі символдар саны, к — код комбинациясының разрядтар саны (ұзындығы).

Регистр сыйымдылығы

Регистр сыйымдылығы (Емкость регистра; register capacity) — битпен, байтпен немесе цифрлар санымен өлшенетін регистр ұзындығы.

Дисплей экранының сыйымдылығы

Дисплей экранының сыйымдылығы (Емкость экрана дисплея; screen capacity) — дисплей экранында орналастыруға болатын максимальды таңбалар саны. Экран жолының ұзындығы (позициялар саны) мен жолдар санының көбейтіндісімен анықталады.

Дереккөздер

1. Қазақ тілі терминдерінің салалық ғылыми түсіндірме сөздігі: Машинажасау. — Алматы: "Мектеп" баспасы, 2007. ISBN 9965-36-417-6