Соғыс апофеозы

«Соғыс апофеозы» — орыс кескіндемешісі Василий Васильевич Верещагиннің ең танымал суреттерінің бірі.

Сурет 1871 жылы салынған, «Түркістандық топтамаға» кіреді. Өлшемдері 127 × 197 см. Третьяков галереясында сақтаулы тұр.

Рамасында келесідей жазу бар: «Өткен шақтың, бүгінгінің және болашақтың барлық атақты жаулап алушыларына бағышталады».

Өнер сыншысы Владимир Васильевич Стасов «Соғыс апофеозы» туралы былай жазған:

Мұндағы мәселе Верещагин өрттен кейін қураған даладағы бас сүйектердің пирамидасын, оны айналып ұшқан, жемге жарарлық ет қалдығын іздеген қарғаларды қандай шеберлікпен салғанында ғана емес. Жоқ! Бұл суретте Верещагинге тән бояулардың ерекше виртуалдығынан әлдеқайда құнды және биік қасиет байқалады — бұл тарихшының һәм адамзат сынаушының терең көзқарасы...

Сілтемелер

• Сурет туралы «Музеи мира» сайтында