Солтүстік Аққар мұнай кен орны

Солтүстік Аққар — Қазақстандағы мұнай-газ кен орны. Маңғыстау облысы Қарақия ауданында, Жетібай мұнай кәсіпшілігінен солтүстік-батысқа қарай 20 км жерде орналасқан. 1989 жылы ашылған. Кен орнын өнеркәсіптік игеру 1992 жылы басталды. Солтүстік Аққар — Аққар кен орнының бір бөлігі болып келеді.

Солтүстік Аққар мұнай кен орны
43°39′13″ с. е. 51°58′01″ ш. б. / 43.65361° с. е. 51.96694° ш. б. / 43.65361; 51.96694 ^(G) ^(O) ^(Я)Координаттар: 43°39′13″ с. е. 51°58′01″ ш. б. / 43.65361° с. е. 51.96694° ш. б. / 43.65361; 51.96694 ^(G) ^(O) ^(Я)
Ел	Қазақстан
Аймақ	Маңғыстау облысы
Орналасуы	Қарақия ауданы
Ашылған уақыты	1989 жыл
Игеріле бастады	1992 жыл
Теңгерімдік қорлары	3,322 млн тонн
Жер қойнауын пайдаланушы	Маңғыстаумұнайгаз
Солтүстік Аққар мұнай кен орны
Солтүстік Аққар мұнай кен орны

Солтүстік Аккардың өнімді түзілімі триас дәуіріне жатады. Өнімді жыныстар 2900-3200 метр тереңдікте орналасқан. Мұнайдың тығыздығы 0,85 г/см3. Құрамында парафин 19,4%. Мұнайдың тұтқырлығы 0,9 мПа/сек. Мұнайдың геологиялық қоры 10 млн тонна, ал газ қоры 0,3 млрд м3 құрайды.

Солтүстік Аққарды игеруді қазақстандық мұнай компаниясы «Маңғыстаумұнайгаз» ААҚ және оның «Жетібаймұнайгаз» өндірістік бөлімшесі жүзеге асырады. Мұнай өндіру 25 мың тоннаны құрады.

Қорлары мен өндірісі

2017 жылғы желтоқсандағы жағдай бойынша Солтүстік Аққар кен орнындағы В+С1 геологиялық қоры 10,564 млн тонна мұнайды, ал В+С1 алынатын қоры 3,322 млн тонна мұнайды құрады.

Кен орнындағы өндіру 1992 жылы басталып, 2017 жылдың соңына дейін 0,60 млн тоннаны құрады – бұл B+C1 санаттары бойынша ресми бекітілген БГМҚ шамамен 5,7%. Өндіру 14 ұңғымамен жүзеге асырылады.

Дереккөздер

1. Gaffney, Cline & Associates Оценка запасов по месторождениям Каламкас, Жетыбай и сопутствующим месторождениям по состоянию на 31 декабря 2017 года (ru) // kase.kz : есептеме. — 2018. — б. 21, 29.