Сайын атындағы көше Алматы Көшеге қазақтың көрнекті ақыны қоғам қайраткері Ұлы Отан соғысының ардагері ұстаз Жұмағали Са

Сайын атындағы көше (Алматы). Көшеге қазақтың көрнекті ақыны, қоғам қайраткері, Ұлы Отан соғысының ардагері, ұстаз Жұмағали Сайынның есімі (Алматы қаласы атқару комитетінің 04.03.1964 №113 шешімі) берілген.

Сипаттамасы

Көше бойында Трамвай-троллейбус жөндеу зауыты, «Орбита» санаторийі, т.б. орналасқан. Көше Әуезов, Бостандық аудандарын қиып өтеді. Алматы қаласының басты магистральдарының бірінен саналады. Ол солтүстіктен оңтүстікке қарай созылып жатыр: Рысқұлов даңғылынан басталып, әл-Фараби даңғылына барып жалғасады. Көшенің ұзындығы - 5200 метр.

Бұл көше сонау 60-жылдары қаланың оңтүстік-батыс жағына тұрғын үй құрылысы салынып кеңейуіне байланысты пайда болған. Қазір бұл көше Алматы қаласындағы маңызды автомобиль магистралі болып табылады.

2021 жылы қала әкімдігі Сайын көшесін ұзарту жұмыстарының картасын жариялады. Бұл шаһардың ірі жолдардарындағы көлік ағыны мен кептелістерді азайтуға ықпал етеді. Сонымен қатар мұнда Рысқұлов көшесінен Мөңке би көшесіне дейін веложолақтар мен тротуарлар салынбақ.

Алматыдағы Сайын көшесінің жалғасын салу 10 жыл бұрын жоспарланған. Алайда қаржы жетіспеушілігіне байланысты жоба кейінге шегерілген. 2020 жылы жоба қайта жандандырылды. Көшенің ұзартылатын бөлігі 3,2 шақырымды құрайды.

Дереккөздер

Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0
https://kaz.zakon.kz/5053887-almatyny-sayyn-k-shes-ta-y-3-2-sha-yrym.html

[1] Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0

[2] ttps://kaz.zakon.kz/5053887-almatyny-sayyn-k-shes-ta-y-3-2-sha-yrym.html