Руслан Нұрбай

Руслан Нұрбай - 1974 жылы Қарағанды облысы (бұрынғы Жезқазған), Ақтоғай ауданы ауылында дүниеге келді. Шыққан тегі Орта жүздің Арғын тайпасының Тобықты руы.

1992 жылы Қарқаралы ауданының Қарағайлы кентінде орта мектепті бітіріп, 1998 жылы Е.Бөкетов атындағы Қарағанды мемлекеттік университетінің филология факультетінен журналист мамандығын алып шықты. 2001 жылы жас ақын-жазушылардың республикалық кеңесіне қатысқан, 2003 жылы Халықаралық «Шабыт» фестивалінде І-орынды иеленіп, лауреат атанды. Өлеңдері Қарағандыда жарық көрген бірнеше жинаққа, «Қалам құдіреті» әдеби альманағына, «Дүниеге келер әлі талай Қасым», «Сен неткен бақытты едің, келер ұрпақ» топтамаларына енді.

Дереккөздер

1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл