Пэйнтбол

Пэйнтбол (ағылш. Paintball) жекпе-жектерінің жас түрі, ойыншылар бояулы шариктермен ататын арнайы қаруланады.

Пэйнтбол ойыны

Ойын ұрыс әрекеттерін жақын және орташа қашықтықта өте дәл белгілейді. Ойыншыға тиген шар жарылып, киімде түрлі түсті белгі қалдырады. Ұрыс ашық та (орман, тау, арнайы жабдықталған полигондар), жабық та алаңдарда (бункерлерде, жертөлелерде, ғимараттарда) өте береді. Әуесқой ойындар қарапайымдалған ережелер бойынша жүргізіледі, турнирлік ұрыстардың қатаң регламенті және нақты жасалған тактикасы болады, онда әрбір сарбаз бүкіл команда үшін бір мақсатқа бағынған міндетті иемденеді.

Команда құрамы 4-тен 10 адамға дейін. Ойынның стандартты емес нұсқалары да бар («Top Gun» бір мезгілде 4–6 адам ойнайды және «әркім өзі үшін»; «Survival» 1 адам 3–4 адамға қарсы және т.б.).

Қару (маркерлер)

Қазіргі кезде қарудың 50 шақты қару жүйесі бар, оларды негізгі 3 топқа бөлуге болады:

• Помпалы маркерлер – қолмен зарядталып, бір рет атылады.
• Жартылай автоматтар – затворы автоматты жүргізіліп, бір рет атылады.
• Автоматтар – кезекпен 5–15 шардан ататын маркерлер.

Бояушы шарлар

Стандартты калибр – 68, желатинді қабығы бар, ішінде глицерин мен ас бояудың қосындысы. Краска суда оңай ериді және тіпті ақ матадан да жылдам жуылады.

СО2 толық баллонымен (70-80 атм қысым) қаруланған маркерден атқанда шар стволдан секундына 100 м жылдамдық шамасында ұшады. Атудың көзделген дәлдігі 20–25 м, шар 50–60 м қашықтыққа ұшады. 15–20 м қашықтықтағы атыс дененің қорғалмаған бөлігін көгертіп жібереді.

Киім-кешек

Киім-кешек ретінде жалпы әскерлік камуфляж форма, сондай-ақ арнайы тігілген костюмдер қолданылады. Бетперде, басқа киетін бандан, бронежилет пен перчаткілер киім-кешектің негізгі элементтері болып табылады.

Дереккөздер

Сыртқы сілтемелер

• paintball.about.com Мұрағатталған 29 қазанның 2014 жылы.