Орал Өңірі

“Орал өңірі” – облыстық газет. Қазақстан КП Орал облыстық және қалалық комитеттері мен еңбекшілер депутаттары облыстық кеңесінің органы болды. Алғашқы саны 1918 жылы 17 қарашада кеңесінің органы ретінде “Хабар” деген атпен жарық көрді. 1919 жылы 1 қаңтардан “Қазақ дұрыстығы”, 26 ақпаннан 10 шілдеге дейін “Дұрыстық жолы”, кейін “Сахара таңы”, 1920 – 1932 жылы “Қызыл Ту”, 1932 – 1957 жылы “Екпінді құрылыс”, 1957 – 1963 жылы “Октябрь туы” деген атпен шықты. 1963 жылы мамырдан “ Орал өңірі” деген атпен шығады. Газет облыс экономикасын көтеріп, мәдениетін өркендетуде, халыққа тәрбие беруде зор рөл атқарып келеді. Құрылтайшысы – облыс әкімдігі мен облыстық мәслихат.

Орал өңірі 1900жылы

Дереккөздер

1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VII том