Олексій Юрійович Резніков

Алексей Юрьевич Резников (укр. Олексій Юрійович Резніков, туған жылы 18 маусым 1966 жыл.) — Украинаның мемлекет қайраткері, Вице-премьер - Украинаның уақытша басып алынған аумақтарын реинтеграциялау жөніндегі министр (2020 жылғы 4 наурыздан 2021 жылғы 3 қарашаға дейін), 2021 жылғы 4 қарашадан Украина қорғаныс министрі, заңгер, Украинаның еңбек сіңірген заңгері.

Алексей Юрьевич Резников
Олексій Юрійович Резніков
Туған күні	18 маусым 1966 (1966-06-18) (58 жас)
Туған жері	Украина, Львов қ.
Мансабы	Украинаның қорғаныс министрі
Әкесі	Юрий Алексеевич Резников
Анасы	Елена Георгиевна Резникова
Жұбайы	Юлия Зорий
Марапаттары	Украинаның еңбек сіңірген заңгері, Күміс крест (Польша, 2019), «Taurus RT 809 Compact» тапаншасы (2014 ж.)

Жастық шағы, білімі

Резников Алексей Юрьевич 1966 жылы 18 маусымда Львов қаласында зиялы отбасында дүниеге келген. Әкесі Львов университінде мұғалім, ал анасы көрнекті невропатолог болған. Ата-анасының екеуі де кәсіби спортшылар болғандықтан, Алексейдің өзі бала кезінде спортпен белсенді айналысқан және әкесінің талабы бойынша мектептен кейін Қарулы Күштерге, десант әскерлеріне қызмет етуге кеткен. Сол себепті, Алексей Резников жоғары білімді кеш алды. 1986-1991 жылдары И.Франко атындағы Львов мемлекеттік университетінің заң факультетін «құқықтану» мамандығы бойынша бітірген.

Отбасы

Әкесі Юрий Алексеевич Резников, Львов мемлекеттік дене шынықтыру университеті мұғалімі. Анасы Елена Георгиевна Резникова невропатолог.

Саясаткер ешқашан жеке өмірін жарнамалаған емес, сондықтан ашық ақпарат көздерінде оның бірінші әйелі туралы ақпарат жоқ. Тек әйелі оған Алексей есімді ұл мен Анастасия есімді қыз сыйлағаны белгілі. Резниковтың мұрагері 2013 жылы үйленіп, фамилиясын Штайнхаус деп өзгерткен. Қазір ол ICTV арнасын басқарады.

Кейін Алексей Резников 2020 жылдың 25 шілдесінде тележүргізуші Юлия Зорийге үйленді. Үйлену тойын шетелде өткізуді жоспарлаған, бірақ қалыңдықтың өтініші бойынша үйлену тойы әдеттен тыс жерде - Қырымның Херсон облысымен әкімшілік шекарасында өтті.

Мансабы

1991 жылы Резников университетті үздік бітіріп, "Галисия бағалы қағаздары" брокерлік кеңсесінің негізін қалады. Мансаптың алғашқы күндерінде заңгер директор қызметін атқарды және бір жылдан кейін фирманы басқарды.

1994 жылы Алексей Юрьевич заңгер куәлігін алып, Киевке көшті. ХХ-ХХІ ғасырлар тоғысында ол Украина заңнамасын дамыту орталығы басшысының орынбасары болып жұмыс істеп, бірнеше жылын мемлекеттік қызметке арнады. Жаңа жұмыс орнында Украинаның Салық кодексінің жобасын, адвокаттық қызмет туралы заң жобасын әзірлеуге қатысты. Осымен қатар Резников «Правис» заң фирмасын құрды (кейінірек «Резников, Власенко және серіктестер» деп аталды және басқа кеңсемен біріктірілгеннен кейін ол «Magisters» деп аталды).

Адвокат ретінде Алексей Юрьевич медиамагнат Владимир Гусинскийдің, продюсер Александр Роднянскийдің және Харьковтың «Металлист» футбол клубының мүддесін қорғады. Резниковтың президенттікке кандидат Виктор Ющенконы қорғаған сот процесі адвокаттық мансабындағы маңызды оқиға болды. Нәтижесінде 2004 жылғы президенттік сайлаудың екінші турының нәтижелері жарамсыз деп танылды.

Резниковтың саяси мансабы 2008 жылы Киев қалалық кеңесінің алтыншы шақырылымының депутаты болып, Николай Катеринчук блогының тізімі бойынша өткен кезде басталды. Осымен қатар Алексей Юрьевич өзінің заңгерлік тәжірибесін жалғастырды: «Егоров, Пугинский, Афанасьев және серіктестер» фирмасында ол бас кеңесші қызметін атқарды.

2014 жылы ол Киев қалалық кеңесінде хатшы қызметін атқарып, мансап сатысына тез көтеріле бастады. Келесі жылы шенеунік Киев мэрінің кеңесшісі және сыбайлас жемқорлыққа қарсы кеңес төрағасының орынбасары болды, ал 2016 жылы Киев қалалық мемлекеттік әкімшілігі басшысының орынбасары қызметін атқарды. Резников жергілікті басқару мәселелерімен айналысты, атап айтқанда, 2017 жылғы « ән байқауын және Реал Мадрид пен Ливерпуль арасындағы 2018 жылғы УЕФА Чемпиондар лигасының финалын өткізуге жауапты болды.

2018 жылдың соңында Резников заңды қызметін қайта жалғастырып, «Астерс» серіктесі болды. Бірақ келесі жылы Украина президенті Владимир Зеленский оны Донбастағы жағдайды реттеумен айналысатын Үшжақты байланыс тобының мүшесі етіп тағайындады.

2020 жылдың 4 наурызында Алексей Резников премьер-министрдің орынбасары – уақытша басып алынған аумақтарды реинтеграциялау министрі қызметін атқарды.

2021 жылдың 4 қарашасында Жоғарғы Рада Резниковты Украина қорғаныс министрі қызметіне тағайындады.

Дереккөздер

1. Алексей Резников. Биография https://www.peoples.ru/state/statesmen/alexey_reznikov/
2. Резников Алексей https://parlament.ua/ru/dossier/reznikov-aleksej/
3. Алексей Резников — биография Источник: https://biogramma.info/aleksei-reznikov
4. Алексей Резников https://yandex.kz/turbo/24smi.org/s/celebrity/186472-aleksei-reznikov.html
5. Алексей Резников https://my.ua/persons/oleksii-reznikov
6. Досье: Резников Алексей Юрьевич https://kievvlast.com.ua/base/dose-_reznikov_aleksej_jurevich38548