Озондау озон газын O3 тотықтырғыш ретінде пайдаланылып ақаба суын мұнай өнімдерінен фенолдан күкіртті сутектен т б қоспа

Озондау — озон газын (O₃) тотықтырғыш ретінде пайдаланылып, ақаба суын мұнай өнімдерінен, фенолдан, күкіртті сутектен, т.б. қоспалардан тазалау. Күшті тотықтырғыш болғандықтан озонның сулы ерітінділердегі органикалық заттектерді т.б. қоспаларды ыдырататын қабілеті өте жоғары. Сонымен бірге суды озондағанда оның жағымсыз иісі, дәмі, бояуы жойылып, залалсызданады. Хлорлау әдісімен салыстырғанда Озондау әдісінің артықшылығы көп. Біріншіден, озонды тікелей су тазалайтын жерде озонаторларды орнатып, ауадағы оттектен электр тоғымен ажырату процесін пайдалану арқылы алуға болады. Екіншіден, хлорлау бірқатар жағдайларда ауыз суда зиянды заттектердің, соның ішінде мутагендер мен концерогендердің (мыс., диоксиннің) түзілуіне апарып соғуы мүмкін, сондықтан оның орнына Озондау әдісін қолданғаны қолайлы.

Дереккөздер

Экология. Алматы, Эверо баспасы, II басылым, 2009 ж.

[1] Экология. Алматы, Эверо баспасы, II басылым, 2009 ж.